新聞類別
財經
詳情#
【蘋果日報】樓價堅離地，年輕人置業問題備受關注。新地（016）將軍澳日出康城晉海昨發售首批403伙即日沽清，有指年輕買家比例佔約一半，但並非所有人「靠父幹」置業。一對月入共7萬元的80後準夫妻「死慳死抵」數年，「去少幾次旅行」終儲夠百萬元首期上車。
記者：朱連峰
晉海昨進行首輪銷售，部份單位折實平均呎價逾1.6萬元，貴絕日出康城，經過一連10天收票，接獲近1.37萬個登記。樓盤昨正式發售，逾千名準買家逼爆九龍站ICC售樓處。消息指，A組大手時段共售出約48伙，有4組客各買3伙，最大手涉逾3,000萬元。
中原陳永傑表示，晉海賣樓墟冚，估計昨有5,000至6,000客到場，年輕人佔最少一半，部份須靠父母資助首期。新地不排除短期內加推。
80後年輕買家李先生與未婚妻譚小姐，並非完全「靠父幹」。他們昨成功上車，買入一個實用面積489方呎兩房戶，樓價600萬元內。陪同揀樓的譚父稱，兩人只有100萬元首期，樓價不能高於600萬元，倘超過便承造不到八成按揭，「兩個加埋揸住100萬首期，所以焗住買六百萬以下，超過此水平便要借二按，息又貴。」
「好在呢次lucky啦，39號叫頭籌，（晉海首批）600萬內得30至40個（供應），佢哋好幸運，就係呢30至40個之中一個，但要揀低層，高層都唔夠膽揀，高層逾600萬上唔到會」，譚父指如果揀不到兩房，就會退而求其次一房，如果連一房都揀不到，就不買了。
今次買樓，兩人靠自己積蓄支付大部份首期，家人只幫少少。譚父說：「唔幫無辦法，佢哋收入係絕對夠供，兩個夾埋一個月都有6至7萬，不過出去做幾年都儲唔夠首期。」兩人大學畢業後工作已4至5年，男方在港燈工作，女方任職護士。
父：我嗰代勤力就買到樓
兩人畢業後已開始儲錢，能夠短短幾年儲夠百萬首期，純粹靠一個「慳」字。譚小姐分享其「慳家本領」，就是少旅行少睇戲，「我哋只去過一、兩次旅行（過去4至5年），一年只睇一、兩次戲。至於晉海買入單位，月供近1.9萬元，佔兩人入息約兩成。
樓價只升不跌，年輕人上車絕望。譚父回想當年，「我嗰代只要勤力一定買到樓，做到九成按揭，我買太古城77萬，只係7萬首期。」說到現在，「樓價係咁升，但人工唔升，令呢一代年輕人好辛苦。」尤其現在大學生月入中位數僅逾萬元，「所以我懷疑依家讀大學讀嚟做乜。」女兒又指：「我哋已叫做好啲一群，但都咁難買樓，可見樓市畸形。」將榮升人夫的李先生則表示，「其實我都屬於抽唔到居屋人士，呢班人好慘，公屋無我哋份，居屋又無份。」這對年輕人對樓市的言論，也許代表着全港年輕人對難以置業的控訴。
記者：朱連峰
晉海昨進行首輪銷售，部份單位折實平均呎價逾1.6萬元，貴絕日出康城，經過一連10天收票，接獲近1.37萬個登記。樓盤昨正式發售，逾千名準買家逼爆九龍站ICC售樓處。消息指，A組大手時段共售出約48伙，有4組客各買3伙，最大手涉逾3,000萬元。
中原陳永傑表示，晉海賣樓墟冚，估計昨有5,000至6,000客到場，年輕人佔最少一半，部份須靠父母資助首期。新地不排除短期內加推。
80後年輕買家李先生與未婚妻譚小姐，並非完全「靠父幹」。他們昨成功上車，買入一個實用面積489方呎兩房戶，樓價600萬元內。陪同揀樓的譚父稱，兩人只有100萬元首期，樓價不能高於600萬元，倘超過便承造不到八成按揭，「兩個加埋揸住100萬首期，所以焗住買六百萬以下，超過此水平便要借二按，息又貴。」
「好在呢次lucky啦，39號叫頭籌，（晉海首批）600萬內得30至40個（供應），佢哋好幸運，就係呢30至40個之中一個，但要揀低層，高層都唔夠膽揀，高層逾600萬上唔到會」，譚父指如果揀不到兩房，就會退而求其次一房，如果連一房都揀不到，就不買了。
今次買樓，兩人靠自己積蓄支付大部份首期，家人只幫少少。譚父說：「唔幫無辦法，佢哋收入係絕對夠供，兩個夾埋一個月都有6至7萬，不過出去做幾年都儲唔夠首期。」兩人大學畢業後工作已4至5年，男方在港燈工作，女方任職護士。
父：我嗰代勤力就買到樓
兩人畢業後已開始儲錢，能夠短短幾年儲夠百萬首期，純粹靠一個「慳」字。譚小姐分享其「慳家本領」，就是少旅行少睇戲，「我哋只去過一、兩次旅行（過去4至5年），一年只睇一、兩次戲。至於晉海買入單位，月供近1.9萬元，佔兩人入息約兩成。
樓價只升不跌，年輕人上車絕望。譚父回想當年，「我嗰代只要勤力一定買到樓，做到九成按揭，我買太古城77萬，只係7萬首期。」說到現在，「樓價係咁升，但人工唔升，令呢一代年輕人好辛苦。」尤其現在大學生月入中位數僅逾萬元，「所以我懷疑依家讀大學讀嚟做乜。」女兒又指：「我哋已叫做好啲一群，但都咁難買樓，可見樓市畸形。」將榮升人夫的李先生則表示，「其實我都屬於抽唔到居屋人士，呢班人好慘，公屋無我哋份，居屋又無份。」這對年輕人對樓市的言論，也許代表着全港年輕人對難以置業的控訴。
回應 (0)
