為避過審查　住戶擬為的士牌轉名

【蘋果日報】新公屋富戶政策周日正式實施，公屋戶擔心入息及資產超額，紛紛諗計逃避審查。有持有的士牌公屋戶指，2008年與朋友合資低價購入的士牌，但牌價至今已升值至600多萬元，勢不能通過新的資產審查，隨時被踢出公屋，擬將的士牌轉名避過審查。亦有公屋富戶透露，已向房署申請刪除同住子女的戶籍。
「點都要保住間公屋」
公屋戶黃先生（化名）一家四口居於觀塘區屋邨，揸的士逾20年，月入約2萬元。08年金融海嘯，他與朋友趁低價合資購入的士牌，當時牌價約200萬元，至今已升值至約600多萬元。他坦言，當年購入的士牌只為求穩定生活，「揸的士咁多年，嗰時見低價咪同朋友夾份買，唔使擔心被車主加車租，一個揸早更、一個揸夜更，靠晒架的士養起一家人。」
新富戶政策將實施，黃先生指其的士牌價值勢超標「到時實被趕走」。他稱自己並非公屋富戶，只靠揸的士養家，「一家靠晒我，個牌（的士）我同朋友夾份，就算賣返出去（嗰筆錢）都冇能力買私樓住，唔通瞓街咩」。他正計劃將的士牌轉名逃過審查，「點都要保住間公屋」。
陳先生一家六口居於青衣公屋，他與太太已退休並與4名子女同住，每月依靠子女供養。但收緊富戶政策後，其子女的入息已超標，「我哋兩嗰人冇收入，靠班仔女養，依家樓價咁貴，佢哋養得我哋嚟，仲邊有錢買私樓」。他指為逃避交還公屋單位，已向房署申請刪除同住子女的戶籍。
■記者譚靜雯