賺人仔甘願被唾罵

【蘋果日報】近年北上賺人仔的王祖藍不時在網上發表愛國論，惹來香港網民唾罵，祖藍說：「已經習慣被標籤，我個樣等於人民幣吖嘛！其實我又覺得唔係一個好大問題，蔡康永話『你做得呢行，賺得呢啲錢，就要預咗人哋咁樣話你』。」他承認內地市場大，收入提高：「初初喺TVB主持兒童節目，底薪得4,800元，爆騷大約萬幾二萬人工。返內地拍《百變大咖秀》，一集已經係幾個月人工。」


短短5年，祖藍升做億萬富翁，早前擲1.14億買入大埔複式豪宅連泳池，他卻不介意重提往事：「我以前都攞過綜援，爸爸02年走咗，我03年先演藝畢業，阿媽每朝落茶餐廳做幾個鐘兼職，晏晝買餸，夜晚返屋企煮飯。因為細佬妹仲細，雖然嗰時最困難，但反而係我最堅強嘅時候。」


採訪：嵐山、懷鈺