中環在線：眾安上市好「文青」

【蘋果日報】眾安保險（6060）號稱本港首隻金融科技股，表面金錢味濃，但管理層作風其實真係好文青。
新股上市都會送紀念品畀港交所，眾安唔送保險、唔送high tech嘢，而係送一手好字，由本港書法大師王齊樂教授題字嘅「先知先見先行」。王教授今年已93歲，搵到佢老人家題字，真係再證明歐亞平人脈有幾勁。據講，六個大字係眾安成立之初嘅標語，亦都可以倒轉理解，貫徹公司做創新科技「先行者」嘅理念。
送得文青，飲嘢都文青。仲記得眾安之前舉行IPO記者會，幾位管理層都特登叩人過海買杯文青至愛「% Arabica」咖啡嗎？肯肯定佢哋真係好愛，因為噚日眾安專登運送限量30杯「% Arabica」咖啡到上市儀式，同啲賓架、老友分甘同味，唔講真係以為眾安係果隻咖啡代言人。
李華華
LiWaWa@AppleDaily.com