27年之最後《壹》期去或留都需要勇氣

【蘋果日報】壹傳媒集團旗下雜誌《壹週刊》昨出版最後一期，之後由新主商人黃浩接手。《壹週刊》易主後前路茫茫，員工處於風雨飄搖之際，有人為了個人立場黯然離開，亦有人因未有打算而決定留下。《壹》現有逾百名員工，當中70名人將過渡至新公司，34人則會離開。無論選擇去或留，都需要一份勇氣。
記者張文鈴
入職《壹週刊》（俗稱壹仔）逾兩年的阿K表示，因雨傘革命而決心入行做記者，「個時MPhil畢業啱啱好係雨傘運動，又未諗住搵嘢做，變咗好多時間喺佔領區度幫手」，其後更膽粗粗去壹仔應徵記者。他選擇壹仔原因是與其立場相近，「唔會驚得罪人，總之嗰個人有錯，一定會鬧，無論係咪同立場嘅人，或者係幾咁有權有勢都好，都係照鬧」。
對於黃浩買《壹週刊》的看法，他第一反應就說「唔鍾意」。他表示，最初聽到黃浩洽購時，內心是抱阿Q精神，以為交易有機會告吹，但後來事件愈來愈明朗化，終決定離開，心裡沒有太大的掙扎，「因為唔鍾意呢個老闆，我係雨傘（運動）先入嚟呢行，所以我嘅立場唔想幫佢」。他又提到，早前對賣盤做過專題，其中兩版是黃浩起底，「佢本身同梁振英好friend，但我哋集團同雜誌對梁振英（的報道）都係好負面，咁即係同喺度做嘅嘢、堅持嗰樣嘢好違背」，又指「睇返佢啲錢係邊度嚟，邊有咁多錢，如果唔係維穩費咁係邊度嚟？」
他表明不信任黃浩接手後會維持壹仔敢言風格，相信此後記者採訪的自由度不會比現在大。不過，被問到對仍留下來的同事看法，他說：「如果佢哋留低仲可以保持以前風格，都未嘗唔係一件好事，留低都的確需要勇氣」，又指作為即將離別的前同事會為他們「加油！」
另一邊廂，決定留下過渡到新公司的員工C先生（化名）表示，最初曾想過離開，但最終因未知前路如何，心想「一動不如一靜」，決定留下觀察新公司的運作和動態。他解釋，最初想離開是不想幫黃浩打工，因他與建制派有一定程度的來往，惟礙於自己對未來去向未有清晰的打算，故此留下過渡至新公司，「睇下同黃浩合唔合得嚟囉，如果最後都係唔得，可能咪走囉」。
對於黃浩接手後，會否擔心壹仔風格與以往大相徑庭，他說：「或多或少都會有轉變，新官上任三把火，依家係換金主，唔係換管理層」，可能在雜誌的立場和採訪的方向，都會跟以往有所不同。他說暫時不評論黃浩接手的好壞，始終他未正式接手和管理，不應過早評論。他坦言擔心會有人認為他留下是放棄尊嚴，嘆口氣說：「其實離開同留低，都需要勇氣」，慨嘆在現今社會要從事符合自己立場的媒體，是很有難度的。
過渡的員工昨日將所有器材搬到新辦公室，所有《壹週刊》員工會獲公司額外發放酬謝金，年資滿5年以上有相等一個月薪金的酬謝金，5年以下則有半個月薪金的酬謝金，有關待遇優於法例的離職賠償。壹傳媒工會表示，歡迎公司過渡安排考慮員工意願，希望《壹週刊》易手後，新公司能遵守《壹週刊》編採獨立，對過渡同事有承擔，不要重蹈《E週刊》大幅裁員的情況。