成功需苦幹蔡加讚被網民狂改圖

【蘋果日報】蔡加讚，作為「玩具大王」蔡志明嘅獨子，喺香港更加係出名嘅富二代之一，喺美國就讀大學嘅佢，初次喺商界大展拳腳要數到07年出任家族集團地產部行政總監，將九龍城廣場翻新，令客流量六個月升三倍，15年仲喺香港搞咗個汽車廣場，作為年青企業家嘅佢仲係廣西省嘅政協常委，閒時仲鍾意收藏下鐘錶同名車等，又係馬會會員之一，名下有多匹名駒。
不過講到蔡加讚，最為人熟悉嘅就緊係11年佢接受咗一個以「成功需苦幹」為題嘅雜誌訪問，雖然訪問內容係講述蔡加讚做生意嘅經歷，但係網民就覺得訪問文章中出現咗大量父親、Daddy等字眼，令到網民覺得佢實則係「成功需父幹」，因而被大量惡搞改圖，仲成為萬能key之一。
今年31歲嘅蔡加讚喺13年同甄子丹嘅姨仔汪圓圓結婚，14年大女Celine出世，16年汪圓圓更為蔡加讚誕下一對雙胞胎囝囝。