新聞類別
娛樂
詳情#
【蘋果日報】郭富城於今年4月娶內地女模方媛（Moka）做老婆，日前城城在網晒一家三口勾手指相，興奮宣告BB出世：「開心！我們仨！」51歲初為人父的城城昨首現身尖沙嘴出席YSL派對，着閃領西裝襯鮮紅袋巾，影相時咬眼鏡表現勁風騷。
唔夠膽換尿片
心情勁靚的城城表示：「係B女嚟，係我嘅小公主，太太係順產，覺得人生好圓滿好感恩。BB六磅重，自己剪臍帶，好緊張手都震埋，日日幫佢影相，我做嘢就叫太太幫我影。媽咪抱孫好開心，嗰刻真係好感動，多謝上天畀禮物，開心到三個一齊喊。太太都好辛苦，責任大咗。」
城城指過去幾個星期獲電影公司體諒：「之前要安頓屋企細節，已經打點好晒，心安就返去拍戲。」城城表示BB未改名：「希望跟番長輩、媽媽嗰邊幫佢諗名，依家都係叫佢BB。」問試過餵奶換尿片？城城坦言：「我唔係好夠膽，但抱就有，好似一個mini版城城，好得意，好幸福好開心，以往同朋友出去食飯，依家好少，收工都係返屋企。」問到工作是否不捨得BB？他說：「唔捨得一定會，收工可以視訊。」並透露滿月一家人食飯。
阿Sa生仔隨緣
同場的蔡卓妍（阿Sa）着連身裙被大風吹起好飄逸，跟「百億麻將館太子爺」石恆聰拍拖的她，問何時到她做家長？阿Sa面紅說：「唔係想要就有，隨緣。」
杜汶澤新請性感見習生楊浩兒着tube top谷胸登場，她說：「喺老闆公司執頭執尾，自己喺澳門科技大學讀書，係香港人。」問到會否入娛樂圈？她說：「有機會都想嘗試。」
採訪：羅慧敏
攝影：葉君海
唔夠膽換尿片
心情勁靚的城城表示：「係B女嚟，係我嘅小公主，太太係順產，覺得人生好圓滿好感恩。BB六磅重，自己剪臍帶，好緊張手都震埋，日日幫佢影相，我做嘢就叫太太幫我影。媽咪抱孫好開心，嗰刻真係好感動，多謝上天畀禮物，開心到三個一齊喊。太太都好辛苦，責任大咗。」
城城指過去幾個星期獲電影公司體諒：「之前要安頓屋企細節，已經打點好晒，心安就返去拍戲。」城城表示BB未改名：「希望跟番長輩、媽媽嗰邊幫佢諗名，依家都係叫佢BB。」問試過餵奶換尿片？城城坦言：「我唔係好夠膽，但抱就有，好似一個mini版城城，好得意，好幸福好開心，以往同朋友出去食飯，依家好少，收工都係返屋企。」問到工作是否不捨得BB？他說：「唔捨得一定會，收工可以視訊。」並透露滿月一家人食飯。
阿Sa生仔隨緣
同場的蔡卓妍（阿Sa）着連身裙被大風吹起好飄逸，跟「百億麻將館太子爺」石恆聰拍拖的她，問何時到她做家長？阿Sa面紅說：「唔係想要就有，隨緣。」
杜汶澤新請性感見習生楊浩兒着tube top谷胸登場，她說：「喺老闆公司執頭執尾，自己喺澳門科技大學讀書，係香港人。」問到會否入娛樂圈？她說：「有機會都想嘗試。」
採訪：羅慧敏
攝影：葉君海
回應 (0)
