梅小惠：佢應該得冠軍

【蘋果日報】無綫健美小姐冠軍馬清儀本月7日被癌魔帶走，終年64歲，當年馬清儀奪冠曾被亞軍林河廷質疑賽果不公。季軍的劉美娟和同屆參選的梅小惠昨獲悉馬清儀死訊均感惋惜，梅小惠昨說：「希望佢屋企人可以安然度過難關，佢喺天堂亦可以得到快樂。」當年傳馬清儀是內定冠軍，梅小惠說：「佢由始至終喺我心目中係一個絕對應該得到冠軍嘅人，好榮幸當年同佢一組，佢教咗我好多嘢。」劉美娟也說：「佢好犀利，練得一身肌肉，我欣賞佢嘅毅力。」
此外，梁家仁於90年與馬清儀合作無綫劇《孖仔孖心肝》，飾演魯輝的他劇中力追名媛馬清儀，梁家仁昨說：「佢好nice，冇遲到早退。劇入面我做三行，佢就係有錢女，同現實一樣，佢拍戲都着好多名牌衫。」
採訪：魯吉、何永寧