由「負皮王」變「鞋王」梁烈唯搲撈成功

【蘋果日報】擦鞋，講緊唔係幫人擦乾淨皮鞋嗰啲，而係「拍馬屁」，喺呢方面，梁烈唯真係數一數二嘅「鞋王」喇。喺15年9月嘅時候，梁烈唯上載「致敬照片」，觸發大批網民批評佢「擦大陸鞋」。幾日後，有網民喺高登開po，題為「大家點睇梁烈唯，唯唯？？」，一句留言「好似越來越受歡迎 wor」，錄得1.5萬個負評，成為咗新一代「負皮王」。
當時佢揹住「負皮王」呢個稱號，但把口唔多收嘅梁烈唯，做訪問嗰陣話：「我係擦鞋呀，你吹呀？」又批評網民「太膚淺」，成日對住電話、電腦，一世都買不到樓。繼續刺激巴打嘅神經！
但後來梁烈唯又真係擦出新天地，佢喺微博出po，話自己8月冇嘢做，如果有工開就搵佢，點知後來被佢搲撈成功，過咗幾日，就參加安徽衛視《百家姓》節目嘅錄影，所以話呢「鞋王」真係唔係浪得虛名。