警察巡邏　大媽舞照跳

【蘋果日報】昨日入夜後旺角行人專用區越來越熱鬧，不過未見Mr. Wally的蹤影，有十數個檔攤作歌唱表演，吸引過百人圍觀。近亞皆老街一帶則繼續有數名大媽跳舞，另有一對外國男女表演雙人瑜伽，亦一度吸引近百人駐足觀看。由黃昏開始不時有警察巡邏，但未有阻止表演進行。
市民︰應尊重表演自由
對於Mr. Wally指警方以他不是本地人為由，禁止他繼續表演，18歲的郭小姐認為警方做法不合理，「表演係一種自由，要尊重，因為條街係大家嘅」。
郭小姐認為西洋菜南街的表演是香港的文化代表，「如果冇咗表演，香港嘅藝術文化會少咗一種，冇香港身份證真係唔係一個理由（趕佢走）。」
18歲的高小姐指，曾在行人專用區看過外國人表演花式足球和耍雜技，印象深刻。她質疑警方因接到投訴和害怕難以管理秩序，才藉故趕走Mr. Wally。
15歲的張同學認為，不同國籍的人都應該得到尊重，「如果香港唔畀外國人表演就唔係香港，香港始終係國際化嘅城市」。
■記者陳穎思