同吳京打牌

【蘋果日報】宇宙最強甄子丹自爆事業低潮期，跟朋友消磨時學識打台灣麻雀，他說：「難聽啲冇工開，朋友叫到就去打，搵啲嘢做吓，有輸有贏，上落唔大，千零蚊。」他近年憑電影《葉問》翻身，工作分身乏術，休息都沒時間，他說：「忙到邊有時間打牌，只係有時老婆外婆嚟香港，有時去蔡太（蔡志明太太）屋企，就一齊打吓。同老人家打，陪佢哋鬆吓章。我唔鍾意賭錢，買馬仔都係幾百蚊。」
吳京近日來港宣傳電影《戰狼2》，不忘向子丹下麻雀枱戰書，子丹即答：「隨時同佢打。」除卻兩人，另外找誰做麻雀腳？子丹衝口而出：「梗係王晶，佢啲麻雀橋，仲有一隻腳係君如啦，佢成日出貓。」子丹表示不介意上家下家安排：「我打牌唔叻，我好耐冇打，依家我一定係水魚，有機會真係要打番場。」