新聞類別
娛樂
詳情#
【蘋果日報】六十年代邵氏當紅女星秦萍（原名陳小平），曾主演《血手印》和《香江花月夜》等國語片，本月7日因癌症在醫院病逝，享年68歲。秦萍於七十年代初嫁永安後人郭志彬，婚後息影，昨日秦萍家人於香港殯儀館為她設靈，今日舉殯，遺體移送歌連臣角火化。昨日秦萍丈夫郭志彬、女兒郭錦瑛和兒子郭永麟一早到場打點，靈堂以白色鮮花佈置，橫匾寫上「永遠懷念」。
楊凡讚孫仔可愛
郭志彬是楊愛瑾（Miki）老爺郭志權的三弟，Miki與老公郭永淳昨日下午到靈堂鞠躬，未有接受傳媒訪問。至於秦萍生前好友焦姣、導演楊凡、陳曼娜和鄧達智等先後到靈堂送別，黃百鳴、邵音音、鄭佩佩、霍震寰與太太陳琪琪等送上花圈。
焦姣離開時說：「今日好多以前邵氏嘅同事都有嚟，大家都好掛住佢。」問到秦萍的丈夫心情可平復？焦姣說：「頭先見到佢孫仔，好得意好精靈，5個月大，知道佢特登飛返嚟，佢見到佢孫仔都有啲安慰。」楊凡亦指秦萍孫仔可愛得意，所以送了頸鏈給BB保平安。問焦姣對秦萍可有特別懷念的事？她說：「好多好多，慢慢懷念囉。」
鄧達智不怕相沖
鄧達智表示早年秦萍兒子結婚時，自己曾為她做衣服，鄧達智說：「大家好傾得埋，成日都會見面，自從秦萍個仔婚禮之後，已經好少見到佢，因為佢身體不適，好少出嚟，秦萍直接話畀我聽身體有事，希望身體再好啲，再出嚟食飯。」他剛結婚，可怕紅白二事相沖？鄧達智謂：「我唔介意，我結婚當日都有報道話秦萍姐姐走，佢係我細個時偶像，呢個係我光榮。」
採訪：王連連
攝影：仇志德
楊凡讚孫仔可愛
郭志彬是楊愛瑾（Miki）老爺郭志權的三弟，Miki與老公郭永淳昨日下午到靈堂鞠躬，未有接受傳媒訪問。至於秦萍生前好友焦姣、導演楊凡、陳曼娜和鄧達智等先後到靈堂送別，黃百鳴、邵音音、鄭佩佩、霍震寰與太太陳琪琪等送上花圈。
焦姣離開時說：「今日好多以前邵氏嘅同事都有嚟，大家都好掛住佢。」問到秦萍的丈夫心情可平復？焦姣說：「頭先見到佢孫仔，好得意好精靈，5個月大，知道佢特登飛返嚟，佢見到佢孫仔都有啲安慰。」楊凡亦指秦萍孫仔可愛得意，所以送了頸鏈給BB保平安。問焦姣對秦萍可有特別懷念的事？她說：「好多好多，慢慢懷念囉。」
鄧達智不怕相沖
鄧達智表示早年秦萍兒子結婚時，自己曾為她做衣服，鄧達智說：「大家好傾得埋，成日都會見面，自從秦萍個仔婚禮之後，已經好少見到佢，因為佢身體不適，好少出嚟，秦萍直接話畀我聽身體有事，希望身體再好啲，再出嚟食飯。」他剛結婚，可怕紅白二事相沖？鄧達智謂：「我唔介意，我結婚當日都有報道話秦萍姐姐走，佢係我細個時偶像，呢個係我光榮。」
採訪：王連連
攝影：仇志德
回應 (0)
