胡杏兒鼻大有原因老公Philip公佈BB性別

【蘋果日報】雖然民間一直有傳生仔會鼻大，個肚會又尖，而睇番近日大台播《胡說八道真情假期》，大肚嘅杏兒亦真係個鼻大咗好多，不過有咗之後，杏兒一直唔講BB嘅性別，又話每次照超聲波，BB都摺埋重要部位，又話有長輩未返香港，要等埋先公佈。
不過老公李乘德(Philip)似乎都幾心急想將呢個消息分享俾大家知，老公Philip早前已經喺IG貼咗親友送嘅一啲B仔衫，仲有一件係阿仙奴嘅BB衫，而到咗昨日，杏兒老公喺IG正式宣佈「It's a boy」，杏兒個肚係仔嚟㗎。