張繼聰拉柏豪做諧星

【蘋果日報】周柏豪、張繼聰與林敏驄等前晚在尖沙嘴出席電影《西謊極落：太爆．太子．太空艙》慶功宴，周柏豪透露近日忙為內地巡唱健身，已有40多日沒飯吃，他說：「冇食碳水化合物，每日都係食蒸雞肉、菜、番茄仔，成日個人似冇力，自己等食飯好耐。」


另外，張繼聰笑言此戲與幾位搞笑能手如林盛斌（Bob）、林敏驄及蔡瀚億（BabyJohn）合作：「柏豪個角色比較正常，但佢都好有幽默感天份，如果有機會開續集，可以畀佢表演吓。80、90年代搞笑有五福星，曾志偉嗰班，我哋唔多講自己係五福星，但五個咁一齊做喜劇，我哋高矮肥瘦樣樣都有，應該滿足唔同觀眾，自己希望近柏豪那邊，靚仔啲，嘗試唔好近阿Bob嗰邊。」


採訪：張俊銘

攝影：仇志德