黃宗澤坐擁沙田三物業北上拍劇賺千萬人仔

【蘋果日報】黃宗澤喺大台打滾咗十幾年，做過二打六，亦都做過男主角，上過一線風光過。但始終喺大台搵嘅錢有限，最終佢選擇離開，轉到內地發展。


北上掘金究竟有幾多吸引力呢？

先講講，黃宗澤其實參演過唔少內地劇，隨便數數就包括《奶爸當家》、《長在面包樹上的女人》、《最好的我們》等等，儲夠一定人氣，每集就至少收40萬人民幣（約48萬港元），甚至幫湖南衛視拍完《夏日甜心》之後，就傳佢賺咗1,300萬人民幣（約1,500萬港元）。


除咗拍劇拍節目搵到錢，黃宗澤都試過投資800萬喺馬來西亞開酒吧，以及投資400萬喺九龍城開蠔吧，極有生意頭腦。除咗開舖，佢又試過買賣紅酒賺錢，但講到搵錢，梗係磚頭保值，包括以旗下公司持有嘅三個沙田銀禧花園單位，睇番近期該屋苑幾宗成交紀錄，最少都有要600萬先易手，咁睇法黃宗澤都賺唔少啦。