新聞類別
娛樂
詳情#
【蘋果日報】【《蘋果》專訪】憑6呎1吋高大威猛身形，談泉慶經常被無綫委派做警長及警司，80、90年代劇集如《獵鷹》和《卡拉屋企》等，都會見到這高大威猛阿Sir影蹤。這位無綫「御用警司」在保齡球界同樣名氣響噹噹，86年與車菊紅參加亞運選拔賽，翌年更威到代表香港到馬來西亞參加世界盃。
做輔警帶挈
隨着98年不獲無綫續約，談泉慶從此在電視圈銷聲匿迹，之後他做過製作公司幕後，也做過洲立影片發行顧問，直至13年因為三高退休調理身體。不過，過去三十多年，談泉慶仍熱愛保齡球運動，目前為藝進會保齡球教練，鄧英敏及廖安麗等都是其學生。
現年66歲的談泉慶日前於銅鑼灣接受本報專訪，分享打保齡心得，他說：「我82年開始打保齡。其實我都好懶，有次開完工上嚟南華會，點解有樣運動有冷氣，又咁舒服又唔使partner，自己一個人可以玩，所以由嗰時開始愛上打保齡。」歷年談泉慶參加過大大小小賽事，最深刻當然是87年到馬來西亞參加世界盃，他說：「我能夠代表香港去打世界盃入到圍已經好巴閉。」
講到當年成為「御用警司」過程，談泉慶說：「因為我做過輔警，嗰時香港電台拍一套叫《執法者》，喺無綫搵人，見呢個幾有台型，不如搵佢嚟拍港台啲嘢。點解逢親啲警察劇會搵輔警去做，因為初期佢哋拍警察搵埋啲特約留長頭髮，又唔識步操，警察部就投訴醜化晒佢哋形象，警察部話有個輔警部門，可以出嚟做其他工作，所以由嗰時開始搵晒啲輔警做差人。」儘管經常被委派做類似角色，他未感厭倦：「最緊要自己享受做戲過程。」
抓杜Sir搭路
問可有興趣重返幕前？談泉慶笑說：「有！我成日同杜Sir（藝訓班同學杜琪峯）講，我依家ready，但電視我又唔想返去喎，電視時間比較長，時間顛倒得好犀利。」
採訪：戴彩煥
攝影：沈健程
做輔警帶挈
隨着98年不獲無綫續約，談泉慶從此在電視圈銷聲匿迹，之後他做過製作公司幕後，也做過洲立影片發行顧問，直至13年因為三高退休調理身體。不過，過去三十多年，談泉慶仍熱愛保齡球運動，目前為藝進會保齡球教練，鄧英敏及廖安麗等都是其學生。
現年66歲的談泉慶日前於銅鑼灣接受本報專訪，分享打保齡心得，他說：「我82年開始打保齡。其實我都好懶，有次開完工上嚟南華會，點解有樣運動有冷氣，又咁舒服又唔使partner，自己一個人可以玩，所以由嗰時開始愛上打保齡。」歷年談泉慶參加過大大小小賽事，最深刻當然是87年到馬來西亞參加世界盃，他說：「我能夠代表香港去打世界盃入到圍已經好巴閉。」
講到當年成為「御用警司」過程，談泉慶說：「因為我做過輔警，嗰時香港電台拍一套叫《執法者》，喺無綫搵人，見呢個幾有台型，不如搵佢嚟拍港台啲嘢。點解逢親啲警察劇會搵輔警去做，因為初期佢哋拍警察搵埋啲特約留長頭髮，又唔識步操，警察部就投訴醜化晒佢哋形象，警察部話有個輔警部門，可以出嚟做其他工作，所以由嗰時開始搵晒啲輔警做差人。」儘管經常被委派做類似角色，他未感厭倦：「最緊要自己享受做戲過程。」
抓杜Sir搭路
問可有興趣重返幕前？談泉慶笑說：「有！我成日同杜Sir（藝訓班同學杜琪峯）講，我依家ready，但電視我又唔想返去喎，電視時間比較長，時間顛倒得好犀利。」
採訪：戴彩煥
攝影：沈健程
回應 (0)
