新聞類別
娛樂
詳情#
【蘋果日報】由韓國影帝宋康昊夥拍劉海鎮、柳俊烈及外國男星湯瑪士基斯曼（Thomas Kretschmann）主演嘅韓片《逆權司機》，上月2號喺韓國上映以來大受歡迎，電影明日於香港上映。
《逆權司機》改編自真人真事，記錄1980年5月嘅光州事件。導演拍攝時亦非常用心，特意用當年於韓國大熱嘅歌曲作為電影OST，當中最引觀眾注意嘅就係開場時，宋康昊一邊揸車、一邊輕快地哼唱嘅《短髮》。《短髮》係韓國歌王、於80年代紅極一時嘅男歌手趙容弼，於1979年推出嘅經典歌。
據知趙容弼版本嘅《短髮》本來頗有惆悵感，因此是次《逆權司機》嘅官方主題曲版本，特別搵嚟BIGBANG嘅後輩樂童音樂家改編，將《短髮》變得更輕快、更有春天嘅味道。宋康昊早前接受韓媒訪問時，已表示相比起悲傷，更想透過《逆權司機》帶出希望嘅訊息。
另外，片中一幕講到宋康昊一個人離開光州，當佢發現政府利用媒體抹黑光州人民、光州人民被冠以暴徒之名後，佢正掙扎要唔要真係一個人返首爾，電影就播出女歌手惠恩於1979年推出嘅《第三漢江橋》，歌詞中提到「昨天我們再次見面而且作出承諾／我們都發誓」，似係呼應宋康昊當時嘅心情。
電影亦採用組合Sand Pebbles於1977喺MBC大學歌謠祭中得獎嘅經典歌《我該怎麼辦》，並由片中飾演大學生嘅柳俊烈演唱幾句。柳俊烈飾演一名讀大學只為加入樂團、參加大學歌謠祭嘅普通大學生，但之後捲入民主運動，更因為英文唔錯而擔任德國記者嘅翻譯。其中一幕講到熱愛唱歌嘅的士司機宋康昊，起哄叫夾band嘅柳俊烈即席唱歌，柳俊烈就演唱咗幾句《我該怎麼辦》，雖然只得幾句，但依然令觀眾印象深刻，尤其係當觀眾再睇返歌詞時，更係感觸良多。
「我該怎麼辦／如果你突然離開／我該怎麼辦」
《逆權司機》改編自真人真事，記錄1980年5月嘅光州事件。導演拍攝時亦非常用心，特意用當年於韓國大熱嘅歌曲作為電影OST，當中最引觀眾注意嘅就係開場時，宋康昊一邊揸車、一邊輕快地哼唱嘅《短髮》。《短髮》係韓國歌王、於80年代紅極一時嘅男歌手趙容弼，於1979年推出嘅經典歌。
據知趙容弼版本嘅《短髮》本來頗有惆悵感，因此是次《逆權司機》嘅官方主題曲版本，特別搵嚟BIGBANG嘅後輩樂童音樂家改編，將《短髮》變得更輕快、更有春天嘅味道。宋康昊早前接受韓媒訪問時，已表示相比起悲傷，更想透過《逆權司機》帶出希望嘅訊息。
另外，片中一幕講到宋康昊一個人離開光州，當佢發現政府利用媒體抹黑光州人民、光州人民被冠以暴徒之名後，佢正掙扎要唔要真係一個人返首爾，電影就播出女歌手惠恩於1979年推出嘅《第三漢江橋》，歌詞中提到「昨天我們再次見面而且作出承諾／我們都發誓」，似係呼應宋康昊當時嘅心情。
電影亦採用組合Sand Pebbles於1977喺MBC大學歌謠祭中得獎嘅經典歌《我該怎麼辦》，並由片中飾演大學生嘅柳俊烈演唱幾句。柳俊烈飾演一名讀大學只為加入樂團、參加大學歌謠祭嘅普通大學生，但之後捲入民主運動，更因為英文唔錯而擔任德國記者嘅翻譯。其中一幕講到熱愛唱歌嘅的士司機宋康昊，起哄叫夾band嘅柳俊烈即席唱歌，柳俊烈就演唱咗幾句《我該怎麼辦》，雖然只得幾句，但依然令觀眾印象深刻，尤其係當觀眾再睇返歌詞時，更係感觸良多。
「我該怎麼辦／如果你突然離開／我該怎麼辦」
回應 (0)
