中環在線：滙豐第三部Mobile Branch出車

【蘋果日報】山旮旯居民成日話唔夠銀行分行，滙豐終於都推出第三架流動銀行車（Mobile Branch），紅色一大架都幾吸睛，計劃會星期一至六輪住去黃大仙、青衣、香港仔、柴灣、上水同葵涌區的6個公共屋邨為居民服務。
雖然流動銀行車服務冇分行咁全面，但一般銀行服務都應付到，好似車上有自助銀行服務終端機，可以做到現金提款、現金存款、存入支票、更新存摺等服務。唔好以為架車淨係得司機，其實都會有銀行服務主任當值，處理開戶同一般銀行服務查詢等，家陣滙豐車隊所覆蓋嘅服務地點已經去到18個公共屋邨嘞。
除咗車隊，滙豐第六間日夜理財中心（Day& Night Plus）都會投入服務，位於沙田秦石邨，同樣都有多部24小時運作嘅自助銀行服務終端機。
李華華
LiWaWa@AppleDaily.com