李亞男deep V　向祖藍備案

【蘋果日報】李亞男和林欣彤前日佩戴名貴首飾到灣仔會展出席「典藏盛世」全球臻賞會，李亞男穿上deep V大露背晚裝示人，挑戰人妻性感極限，問到老公王祖藍有否詐型，她笑說：「件衫係配合活動主題，我又唔係次次都要性感示人，最想出嚟係靚。我有send相畀老公睇，但可能佢太忙未有時間覆我啦！但我諗佢都會覺得靚。」


談到選購首飾，亞男表示人生收過最珍貴的首飾有兩件，都是老公所送，分別是拍拖時送的十字架頸鏈，及心形鑽石求婚戒指。


林欣彤則指自己收過最有意義的首飾，均是由母親所贈的頸鏈：「媽咪好鍾意送頸鏈畀我，因為好貼身，可以成日陪住我，所以我好多時都會戴住。」


撰文：葉綠悠