新聞類別
財經
詳情#
【蘋果日報】焦點新股眾安（6060）呢期人氣，唔少人話要抽，眾安管理層呢排忙住見投資者，但無阻佢哋嘆番杯文青至愛嘅「% Arabica」咖啡。
話說周日眾安喺中環四季酒店舉行IPO記者會，幾位管理層前面竟然各有一杯「% Arabica」咖啡（杯上logo太易認出）。香港目前只得尖沙咀、愉景灣兩間分店，即係管理層專登搵人過晒海買喇。首席執行官陳勁當日完場急急腳走之際，仲不忘拎埋杯咖啡走，似乎係真愛。究竟係咪真係咁好飲？
華華噚日特登去尖沙咀分店實測。間舖嘅位置喺碼頭入面，唔多就腳，而且只得外賣，但無阻一班愛啡之人前來朝聖，兩點鐘有廿人排隊，咖啡師做到踢晒腳，但佢哋都好快手，等20分鐘就有得飲。
今次分別試咗混合豆（熱）與單品豆（凍）嘅Caffe Latte，兩杯飲落好香咖啡豆味，凍嘅，奶味再重啲，口感溫和，唔似一般連鎖店嘅咖啡咁苦咁澀，而且唔酸，幾適合冇飲開咖啡嘅人飲。呢度一杯咖啡大概40、50蚊，價錢ok喇。
李華華
LiWaWa@AppleDaily.com
話說周日眾安喺中環四季酒店舉行IPO記者會，幾位管理層前面竟然各有一杯「% Arabica」咖啡（杯上logo太易認出）。香港目前只得尖沙咀、愉景灣兩間分店，即係管理層專登搵人過晒海買喇。首席執行官陳勁當日完場急急腳走之際，仲不忘拎埋杯咖啡走，似乎係真愛。究竟係咪真係咁好飲？
華華噚日特登去尖沙咀分店實測。間舖嘅位置喺碼頭入面，唔多就腳，而且只得外賣，但無阻一班愛啡之人前來朝聖，兩點鐘有廿人排隊，咖啡師做到踢晒腳，但佢哋都好快手，等20分鐘就有得飲。
今次分別試咗混合豆（熱）與單品豆（凍）嘅Caffe Latte，兩杯飲落好香咖啡豆味，凍嘅，奶味再重啲，口感溫和，唔似一般連鎖店嘅咖啡咁苦咁澀，而且唔酸，幾適合冇飲開咖啡嘅人飲。呢度一杯咖啡大概40、50蚊，價錢ok喇。
李華華
LiWaWa@AppleDaily.com
回應 (0)
