新聞類別
港聞
詳情#
【蘋果日報】反東北發展撥款及重奪公民廣場案覆核刑期近一個月，社會為被判囚的東北13子及雙學三子聲援聲未減；「歪」風知勁草，香港眾志近期有不少新成員加入，主動聯手抵擋風暴。眾志常委周庭指，覆核判刑令成員間覺悟加大，街頭行動意志更堅定，指政府的「阻嚇」顯然未見效，「無論點打壓都好，我哋都係唔會驚，會繼續堅持街頭路線」。
堅持街頭路線
外界不少人認為這段時間或是社運界低潮，施加予社會抗爭人士身上的重刑定必嚇退一些有心人。周庭卻不這樣認為，「反而喺佢哋入獄後，眾志嘅朋友覺悟更大」；不單主動分擔眾志黨務及崗位，亦認定要更加堅強，「成個政治環境係好艱辛，我哋反而覺得：唔可以氣餒」，「希望幾位成員（黃之鋒、羅冠聰、林朗彥）出嚟後，見到更強大嘅眾志，希望佢哋發現，我哋並冇放棄」。
「歪風」中的暖流，包括有不少新成員加入，大學生與成年人也有，統統稱欲在艱難時間援手。2012年參加反國教運動的周庭認為，政權在這5年打壓日益加大，「由提出參選確認書阻止一啲人參選，到DQ議員，再到律政司堅持要覆核刑期，好明顯，第一，係想阻嚇市民唔好去參與社會運動；第二，係想阻止某啲主要成員參選」，但她稱無論面對多大打壓，眾志成員亦繼續堅持街頭路線，「政府覺得好唔順眼嘅主張，我哋都會繼續keep住」。
但周亦認為應在艱難時間思考前路，以便好好裝備再作戰，如組織工作必須加強，不再單純靠突發政治事件動員群眾。她以大批市民參與的聲援政治犯遊行為例指，「點可以令呢啲人可以變成堅實嘅人（即參與行動），而唔只喺最大或者最嚴重嘅時間先行出嚟？呢啲係我哋要思考，要透過地區組織工作令到佢哋更堅實，令到平時有議題時、或者一啲地區不公義議題，都肯行出嚟」。
周庭不諱言主張與政權協商的溫和民主派，亦應反思協商的作用有多大，「有啲人認為透過又傾又砌、透過協商，可以動搖到中國咁大嘅系統、想佢哋有少少讓步，我認為行唔通，中共唔可能因你而動搖」。她指民主路上更重要的是，團結所有相信要爭取民主的人，「然後一齊去思考，點樣先可以令民主力量運動更加強大」。
■記者許偉賢
堅持街頭路線
外界不少人認為這段時間或是社運界低潮，施加予社會抗爭人士身上的重刑定必嚇退一些有心人。周庭卻不這樣認為，「反而喺佢哋入獄後，眾志嘅朋友覺悟更大」；不單主動分擔眾志黨務及崗位，亦認定要更加堅強，「成個政治環境係好艱辛，我哋反而覺得：唔可以氣餒」，「希望幾位成員（黃之鋒、羅冠聰、林朗彥）出嚟後，見到更強大嘅眾志，希望佢哋發現，我哋並冇放棄」。
「歪風」中的暖流，包括有不少新成員加入，大學生與成年人也有，統統稱欲在艱難時間援手。2012年參加反國教運動的周庭認為，政權在這5年打壓日益加大，「由提出參選確認書阻止一啲人參選，到DQ議員，再到律政司堅持要覆核刑期，好明顯，第一，係想阻嚇市民唔好去參與社會運動；第二，係想阻止某啲主要成員參選」，但她稱無論面對多大打壓，眾志成員亦繼續堅持街頭路線，「政府覺得好唔順眼嘅主張，我哋都會繼續keep住」。
但周亦認為應在艱難時間思考前路，以便好好裝備再作戰，如組織工作必須加強，不再單純靠突發政治事件動員群眾。她以大批市民參與的聲援政治犯遊行為例指，「點可以令呢啲人可以變成堅實嘅人（即參與行動），而唔只喺最大或者最嚴重嘅時間先行出嚟？呢啲係我哋要思考，要透過地區組織工作令到佢哋更堅實，令到平時有議題時、或者一啲地區不公義議題，都肯行出嚟」。
周庭不諱言主張與政權協商的溫和民主派，亦應反思協商的作用有多大，「有啲人認為透過又傾又砌、透過協商，可以動搖到中國咁大嘅系統、想佢哋有少少讓步，我認為行唔通，中共唔可能因你而動搖」。她指民主路上更重要的是，團結所有相信要爭取民主的人，「然後一齊去思考，點樣先可以令民主力量運動更加強大」。
■記者許偉賢
回應 (0)
