中環在線：「有溫度的保險」係咩玩法

【蘋果日報】焦點新股眾安保險（6060）今日招股，雖然噚日記者會上，老闆「三馬（即馬雲、馬化騰、馬明哲）」並冇出馬，但會上仍然有焦點可以關注，就係公司嘅宣傳口號「做有溫度的保險」嘞。
究竟保險點樣做到有溫度呢？首席執行官陳勁就解釋，因為保險本身門檻高又複雜，所以想推啲同大家生活息息相關嘅產品，等大家可以重新認識保險。
佢強調，保險「不是一個當你出現問題了才會來到你身邊的東西，而是一份在風險發生之前就能發揮作用的保障」，溫度就在於此。
嘩，陳總呢番說話真係好玄，有緣嘅讀者或者可以自行領會，參透參透。但華華就覺得，新股上市最開心莫過於股價炒得起，只要股價炒到「㷫合合」，咁咪夠晒有溫度囉。
李華華
LiWaWa@AppleDaily.com