新聞類別
娛樂
詳情#
【蘋果日報】賭王何鴻燊四房千金何超盈、關之琳（之之）、林建岳最索千金林心兒同一班富二代前晚喺中環街頭為Moiselle行騷，熊黛林、琦琦、吳雨霏同關心妍嚟睇騷。超盈第一次做模特兒行騷，純粹係畀面品牌太子爺陳柏熹（Harris），佢着住黑色deep V透視長裙大騷「黃金左腳」，見佢着長boots行長斜樓梯，認真牙煙。
「其實我好驚」
超盈完騷後做訪問，話今次行騷有壓力，坦言好朋友先可以打動佢：「頭先個個行完返轉頭喺休息室度，其實我好驚，因為我都未開始行，但覺得個感覺係好好玩嘅。」問佢行騷畀幾多分自己，佢就好謙咁話：「合格㗎咋應該……」問到四太同細佬妹係咪因為忙選舉而冇出席，佢就話：「呢啲我唔講㗎喇，總之希望大家都會同我一樣咁支持我媽咪同細佬。」
另外，之之謝幕時差啲仆親，幸好有驚無險。Harris講到會將之之着衫品味融入設計，之之話：「今次呢個系列，因為自己鍾意滑雪，所以會加入一啲羽絨褸，香港凍嘅時候都有十幾度，自己都會着羽絨，咁我就覺得既然自己成日着嘅嘢，點解唔整靚佢呢？」吳雨霏就講到同老公平時會玩情趣，笑言自己會着喱士性感睡衣，因為明年1、2月開演唱會，所以唔諗生BB住。
撰文：馮仁昭
「其實我好驚」
超盈完騷後做訪問，話今次行騷有壓力，坦言好朋友先可以打動佢：「頭先個個行完返轉頭喺休息室度，其實我好驚，因為我都未開始行，但覺得個感覺係好好玩嘅。」問佢行騷畀幾多分自己，佢就好謙咁話：「合格㗎咋應該……」問到四太同細佬妹係咪因為忙選舉而冇出席，佢就話：「呢啲我唔講㗎喇，總之希望大家都會同我一樣咁支持我媽咪同細佬。」
另外，之之謝幕時差啲仆親，幸好有驚無險。Harris講到會將之之着衫品味融入設計，之之話：「今次呢個系列，因為自己鍾意滑雪，所以會加入一啲羽絨褸，香港凍嘅時候都有十幾度，自己都會着羽絨，咁我就覺得既然自己成日着嘅嘢，點解唔整靚佢呢？」吳雨霏就講到同老公平時會玩情趣，笑言自己會着喱士性感睡衣，因為明年1、2月開演唱會，所以唔諗生BB住。
撰文：馮仁昭
回應 (0)
