新聞類別
財經
詳情#
【蘋果日報】滙豐舊年開始推「HSBC Safeguard」打擊金融罪行，分批邀請個人同企業客戶更新賬戶資料，防止不法分子借助銀行進行洗黑錢等活動。不過，唔少客戶都反映，特登要落分行更新資料其實都好煩，所以滙豐最近就向online發展，仲搞咗個寫App比賽邀請大專學生同初創企業參加。
滙豐香港區行政總裁施穎茵就話，最新、最準確嘅資料，就係銀行杜絕不法分子入侵金融體系嘅重要武器，今次正正想借助參加者嘅創意小宇宙，設計一個簡單方法幫銀行收集客戶資料。
今次比賽獎品都幾吸引，學生組同初創企業組冠軍，分別會有10萬同30萬港元獎金，而且有機會拎埋滙豐嘅種子資金。有興趣嘅本港大專學生同初創企業，可以於10月底前到比賽網站遞交申請，而應科院就會為今次比賽提供區塊鏈虛擬平台，等參賽者接駁電腦設備設計應用程式。
李華華
LiWaWa@AppleDaily.com
滙豐香港區行政總裁施穎茵就話，最新、最準確嘅資料，就係銀行杜絕不法分子入侵金融體系嘅重要武器，今次正正想借助參加者嘅創意小宇宙，設計一個簡單方法幫銀行收集客戶資料。
今次比賽獎品都幾吸引，學生組同初創企業組冠軍，分別會有10萬同30萬港元獎金，而且有機會拎埋滙豐嘅種子資金。有興趣嘅本港大專學生同初創企業，可以於10月底前到比賽網站遞交申請，而應科院就會為今次比賽提供區塊鏈虛擬平台，等參賽者接駁電腦設備設計應用程式。
李華華
LiWaWa@AppleDaily.com
回應 (0)
