新聞類別
娛樂
詳情#
【蘋果日報】李克勤一連9場在紅館舉行的演唱會，前晚圓滿結束，獲太太盧淑儀、蔡卓妍及徐濠縈等捧場，克勤介紹特別嘉賓出場時：「呢個嘉賓聲色藝俱全、樣靚、身材魁梧，唯一缺點就係故意忘記歌詞，如果每個人身邊都有一個貴人，嗰個人就係佢。」身穿藍色西裝襯藍皮鞋的校長譚詠麟（阿倫）隨之升上台，兩人擁抱。
感動哽咽
手上拿着仙人掌盆栽的克勤說：「大家都知女嘉賓係送玫瑰，但我唔想令阿倫懷疑我30年前嘅性取向有改變，所以搵嚟我手上嘅呢個盆栽，代表阿倫一柱擎天嘅歌壇地位。」阿倫帶笑反問：「你真係肯定，呢棵又爛又開叉，你小心啲喎！」
阿倫離台後，克勤唱《你是我的太陽》冧坐在觀眾席的太太，盧淑儀大受感動。近尾聲時，克勤對台下觀眾說：「我覺得每個人應該有夢想，冇就等於一個粉腸，我嘅夢想，去年加入公司執導MV，希望2018年可以做導演拍電影。」
隨後克勤唱《紙牌屋》，老貓燒鬚忘記歌詞，尷尬伸脷，更追究到阿倫身上，他笑說：「又一次證明有啲嘢係會被傳染嘅，有個朋友成日唔記得幾句，對方答我『你得一、兩首金曲，梗係記得到，我有咁多首金曲，梗會記唔到啦。』」唱最後一首歌，克勤更感動哽咽，在全場觀眾和唱下落幕。
圓導演夢
克勤出席慶功宴時，感激阿倫：「佢早一日去綵排，誠意十足，仲專登着埋套藍色西裝，去邊度都撐我。」他透露稍後會上演一場世紀羽毛球大戰，他和邱子傑（薄儀眼鏡老闆）一隊，對戰阿倫和盧淑儀的一隊，他笑說：「呢場波唔知點打，一個係太太，贏咗要返去跪玻璃，一個係校長，贏咗會殺頭。」談到他的電影導演夢，克勤說：「會拍香港特色溫馨小品，好想將呢部電影送畀自己，作為50歲嘅生日禮物。」
採訪：馬建華
攝影：葉君海
感動哽咽
手上拿着仙人掌盆栽的克勤說：「大家都知女嘉賓係送玫瑰，但我唔想令阿倫懷疑我30年前嘅性取向有改變，所以搵嚟我手上嘅呢個盆栽，代表阿倫一柱擎天嘅歌壇地位。」阿倫帶笑反問：「你真係肯定，呢棵又爛又開叉，你小心啲喎！」
阿倫離台後，克勤唱《你是我的太陽》冧坐在觀眾席的太太，盧淑儀大受感動。近尾聲時，克勤對台下觀眾說：「我覺得每個人應該有夢想，冇就等於一個粉腸，我嘅夢想，去年加入公司執導MV，希望2018年可以做導演拍電影。」
隨後克勤唱《紙牌屋》，老貓燒鬚忘記歌詞，尷尬伸脷，更追究到阿倫身上，他笑說：「又一次證明有啲嘢係會被傳染嘅，有個朋友成日唔記得幾句，對方答我『你得一、兩首金曲，梗係記得到，我有咁多首金曲，梗會記唔到啦。』」唱最後一首歌，克勤更感動哽咽，在全場觀眾和唱下落幕。
圓導演夢
克勤出席慶功宴時，感激阿倫：「佢早一日去綵排，誠意十足，仲專登着埋套藍色西裝，去邊度都撐我。」他透露稍後會上演一場世紀羽毛球大戰，他和邱子傑（薄儀眼鏡老闆）一隊，對戰阿倫和盧淑儀的一隊，他笑說：「呢場波唔知點打，一個係太太，贏咗要返去跪玻璃，一個係校長，贏咗會殺頭。」談到他的電影導演夢，克勤說：「會拍香港特色溫馨小品，好想將呢部電影送畀自己，作為50歲嘅生日禮物。」
採訪：馬建華
攝影：葉君海
回應 (0)
