新聞類別
娛樂
詳情#
【蘋果日報】【今日ENT】張智霖（Chilam）跟Twins特別有緣，剛與鍾欣潼（阿嬌）合演電影《京城81號II》，最近又孖蔡卓妍（阿Sa）合作，參演邱禮濤執導、下月26日上映的電影《常在你左右》，Chilam和阿Sa昨日在新蒲崗接受《蘋果》娛樂直播節目《今日ENT》live chat訪問。
阿嬌遇邪事
阿Sa談及拍檔阿嬌真人撞鬼經歷，她說：「我哋有次拍雷宇揚節目，去到現場，阿嬌好驚係咁喊，仲講唔到嘢，我問工作人員發生乜嘢事，佢哋話開車嚟嗰時，外面好大雨，但阿嬌見到出面有好多溪錢喺度飛，但大雨根本撒唔到，阿嬌想將呢件事講畀朋友知，司機制止話『佢唔鍾意』。」阿Sa爆料指那位司機又指看到有東西趴在擋風玻璃，這個經歷很恐怖，阿Sa講得投入，冷不防Chilam拿出假手，把她嚇一跳。阿Sa表示曾有相士指她額高不易看到異象，不過她與Chilam相信世上有鬼。
Chilam在《常》片中飾演的士司機，因為一次交通意外導致多人傷亡，其中一幕講述他在車禍後，入住阿Sa經營的度假屋，接着怪事連篇，這套戲是向九十年代經典驚慄電影《陰陽路》系列20周年致敬。
驚到搵老竇
阿Sa講到戲中跟拍慣鬼片的「龍婆」羅蘭合作，特別有恐怖氣氛，阿Sa說：「試過有朋友同羅蘭姐一齊過馬路，羅蘭姐同佢講『睇路呀，小心啲』，朋友聽完都打冷震嚇親。」阿Sa自爆因為驚而少看鬼片，她記得有次父母外出時，獨自在家看經典恐怖片《閃靈》（The Shining），她說：「血淋淋嘅走廊好得人驚，仲記得睇《貞子》又係好驚，但嗰時唔睇同同學冇話題，最後驚到要叫老竇去銅鑼灣接。夜晚瞓覺郁唔到，聽到呼吸聲，好似畀嘢壓住，我係咁念經，又英文又中文，念念吓先瞓着。」
阿嬌早前與Chilam為電影宣傳時，語無倫次爆金句：「個個都拍拖，唔通個個都想拍拖咩？」問到Chilam可有留意阿Sa有甚麼金句？他顯得有點尷尬說：「唔記得，收得工未啩，冇乜特別。」
採訪：何永寧
攝影：陳俊強
阿嬌遇邪事
阿Sa談及拍檔阿嬌真人撞鬼經歷，她說：「我哋有次拍雷宇揚節目，去到現場，阿嬌好驚係咁喊，仲講唔到嘢，我問工作人員發生乜嘢事，佢哋話開車嚟嗰時，外面好大雨，但阿嬌見到出面有好多溪錢喺度飛，但大雨根本撒唔到，阿嬌想將呢件事講畀朋友知，司機制止話『佢唔鍾意』。」阿Sa爆料指那位司機又指看到有東西趴在擋風玻璃，這個經歷很恐怖，阿Sa講得投入，冷不防Chilam拿出假手，把她嚇一跳。阿Sa表示曾有相士指她額高不易看到異象，不過她與Chilam相信世上有鬼。
Chilam在《常》片中飾演的士司機，因為一次交通意外導致多人傷亡，其中一幕講述他在車禍後，入住阿Sa經營的度假屋，接着怪事連篇，這套戲是向九十年代經典驚慄電影《陰陽路》系列20周年致敬。
驚到搵老竇
阿Sa講到戲中跟拍慣鬼片的「龍婆」羅蘭合作，特別有恐怖氣氛，阿Sa說：「試過有朋友同羅蘭姐一齊過馬路，羅蘭姐同佢講『睇路呀，小心啲』，朋友聽完都打冷震嚇親。」阿Sa自爆因為驚而少看鬼片，她記得有次父母外出時，獨自在家看經典恐怖片《閃靈》（The Shining），她說：「血淋淋嘅走廊好得人驚，仲記得睇《貞子》又係好驚，但嗰時唔睇同同學冇話題，最後驚到要叫老竇去銅鑼灣接。夜晚瞓覺郁唔到，聽到呼吸聲，好似畀嘢壓住，我係咁念經，又英文又中文，念念吓先瞓着。」
阿嬌早前與Chilam為電影宣傳時，語無倫次爆金句：「個個都拍拖，唔通個個都想拍拖咩？」問到Chilam可有留意阿Sa有甚麼金句？他顯得有點尷尬說：「唔記得，收得工未啩，冇乜特別。」
採訪：何永寧
攝影：陳俊強
回應 (0)
