新聞類別
娛樂
詳情#
【蘋果日報】鄧紫棋（G.E.M.）後日在紅館開演唱會，趁騷前爭取時間跟男友Mark Ngai拍拖放閃。他們日前到銅鑼灣撐枱腳，被本報讀者白先生透過「爆相爆片」分享當時情況，在G.E.M.薰陶下兩人有共同信仰，飯前叠手祈禱，不過G.E.M.狼吞虎嚥，餐桌禮儀仍有待改善。
食相粗魯
白先生透露當晚9時半左右，在銅鑼灣時代廣場見到G.E.M.跟男友Mark，他說：「嗰晚9點半，喺時代廣場食通天嘅芽莊，見到佢哋坐隔籬枱，佢哋叫咗好多嘢食，包括炒菜、串燒、荷葉包牛肉、豬扒撈檬。當啲餸菜嚟晒之後，佢哋仲叠住手祈禱，然後先食嘢。」G.E.M.似乎沒有因即將舉行的紅館騷而節食，白先生說：「冇喎，佢食嘢嗰時都好粗魯，食到好大聲，夾完一嚿未吞，又夾第二嚿，反而佢男友就幾斯文。」
三語溝通
片段中所見，G.E.M.似乎餓了很久，食物一件接一件。戴鴨舌帽的她選擇背向其他食客坐，更刻意將帽拉到非常低。白先生笑言全因為G.E.M.開聲，才認出對方。他又形容G.E.M.不時向男友放電：「佢哋傾傾吓偈時，G.E.M.定神望住男友放電，個樣含情脈脈咁，擺明好冧條仔，男仔俾佢電到都有啲怕醜。」
白先生表示兩人主要以英語溝通，間中又夾雜廣東話和日文。兩人撐完枱腳後，由Mark埋單，G.E.M.戴上口罩才離去。G.E.M昨日電話回應和男友撐枱腳，她笑說：「好開心位讀者留意到我哋祈禱，越南嘢幾健康，好啱我15、16、17號紅館演唱會營養所需，希望到時大家見到我狀態好好啦。」另外，Mark日前在Ig宣佈已受洗，更不開名感謝一個「陪自己走過」的人，相信就是G.E.M.。
採訪：李森、皓騫
食相粗魯
白先生透露當晚9時半左右，在銅鑼灣時代廣場見到G.E.M.跟男友Mark，他說：「嗰晚9點半，喺時代廣場食通天嘅芽莊，見到佢哋坐隔籬枱，佢哋叫咗好多嘢食，包括炒菜、串燒、荷葉包牛肉、豬扒撈檬。當啲餸菜嚟晒之後，佢哋仲叠住手祈禱，然後先食嘢。」G.E.M.似乎沒有因即將舉行的紅館騷而節食，白先生說：「冇喎，佢食嘢嗰時都好粗魯，食到好大聲，夾完一嚿未吞，又夾第二嚿，反而佢男友就幾斯文。」
三語溝通
片段中所見，G.E.M.似乎餓了很久，食物一件接一件。戴鴨舌帽的她選擇背向其他食客坐，更刻意將帽拉到非常低。白先生笑言全因為G.E.M.開聲，才認出對方。他又形容G.E.M.不時向男友放電：「佢哋傾傾吓偈時，G.E.M.定神望住男友放電，個樣含情脈脈咁，擺明好冧條仔，男仔俾佢電到都有啲怕醜。」
白先生表示兩人主要以英語溝通，間中又夾雜廣東話和日文。兩人撐完枱腳後，由Mark埋單，G.E.M.戴上口罩才離去。G.E.M昨日電話回應和男友撐枱腳，她笑說：「好開心位讀者留意到我哋祈禱，越南嘢幾健康，好啱我15、16、17號紅館演唱會營養所需，希望到時大家見到我狀態好好啦。」另外，Mark日前在Ig宣佈已受洗，更不開名感謝一個「陪自己走過」的人，相信就是G.E.M.。
採訪：李森、皓騫
回應 (0)
