新聞類別
娛樂
詳情#
【蘋果日報】人妻岑麗香同人夫黃浩然最近合作拍攝劇集，成套劇主力喺廟街、果欄一帶取景，咁啱呢兩個地方人多、車多、性情中人亦特別多。
人車爭路
香香同黃浩然日前夜晚10點幾喺果欄開工，劇情交代香香喺街邊截的士，上車追截黃浩然。雖然劇情嚟嚟去去得幾個鏡頭，但因為嗰段時間撞正夜晚果欄新鮮生果運到，貨車同拍戲嘅的士，仲有攝製隊，人車爭路，汽車砵砵聲、途人叱喝聲混為一片。由於現場仲有唔少背心短褲大隻佬，佢哋喺香香身後企定，金睛火眼，似乎想一親「香」澤咁款，因為入晒鏡，結果要勞煩工作人員邀請佢哋稍移玉步。
香香可能慣咗拍外景俾人望，佢好專業，一埋位就七情上面，拍咗幾鏡就搞掂。未埋位前，香香仲施施然拎住把電風扇仔出嚟吹吓面、補吓妝，至於着住白色背心嘅黃浩然，佢同香香呢場戲冇乜對手戲，但每次拍完一鏡，佢都自動自覺走埋香香身邊，以健碩嘅身軀幫手擋住男途人目光，香香有黃浩然做護花使者，全程表現淡定。
撰文：馮仁昭
人車爭路
香香同黃浩然日前夜晚10點幾喺果欄開工，劇情交代香香喺街邊截的士，上車追截黃浩然。雖然劇情嚟嚟去去得幾個鏡頭，但因為嗰段時間撞正夜晚果欄新鮮生果運到，貨車同拍戲嘅的士，仲有攝製隊，人車爭路，汽車砵砵聲、途人叱喝聲混為一片。由於現場仲有唔少背心短褲大隻佬，佢哋喺香香身後企定，金睛火眼，似乎想一親「香」澤咁款，因為入晒鏡，結果要勞煩工作人員邀請佢哋稍移玉步。
香香可能慣咗拍外景俾人望，佢好專業，一埋位就七情上面，拍咗幾鏡就搞掂。未埋位前，香香仲施施然拎住把電風扇仔出嚟吹吓面、補吓妝，至於着住白色背心嘅黃浩然，佢同香香呢場戲冇乜對手戲，但每次拍完一鏡，佢都自動自覺走埋香香身邊，以健碩嘅身軀幫手擋住男途人目光，香香有黃浩然做護花使者，全程表現淡定。
撰文：馮仁昭
回應 (0)
