新聞類別
娛樂
詳情#
【蘋果日報】無綫資深演員廖麗麗今年7月患上舌癌，雖然將舌頭割咗一半，但癌細胞好快擴散到淋巴同肺部，延至上周一凌晨不治逝世，享年70歲。
廖麗麗喺無綫30年嚟拍過逾百部劇集，最令觀眾深刻嘅演出，係喺《大時代》飾演法官，跟玩自辯嘅丁蟹鄭少秋有唔少法庭對手戲，佢多次訓斥丁蟹，大快人心。身在外地嘅秋官，前晚知道廖麗麗走咗都好難過，佢話：「聽到呢個消息嘅時候，當然唔開心，心入面多少都有啲唔舒服，廖麗麗份人好親切，大家幾好傾，有傾有講，大家喺工作上有來往，佢份人非常好。」
孫仔掛嘴邊
除咗廖麗麗，60年代邵氏女星秦萍亦喺上周離逝，跟秦萍同廖麗麗份屬好友嘅馬海倫，噚日喺微博好感觸咁話：「一時之間秦萍同廖麗麗兩位朋友走咗，非常難過，但走都係解決。小萍性格內向，時時見面佢游水我做gym，兒子結婚佢非常開心，很早通知，一定要到呀，卲氏一圍，廖麗麗就係《愛．回家》做海味店員工負責煮飯，佢係佛教徒，我同佢都有齋期，佢心愛個女同外孫，每次見面都畀我睇孫仔相，講到非常開心，兩位嘅一切只有回憶！」
撰文：馮仁昭
廖麗麗喺無綫30年嚟拍過逾百部劇集，最令觀眾深刻嘅演出，係喺《大時代》飾演法官，跟玩自辯嘅丁蟹鄭少秋有唔少法庭對手戲，佢多次訓斥丁蟹，大快人心。身在外地嘅秋官，前晚知道廖麗麗走咗都好難過，佢話：「聽到呢個消息嘅時候，當然唔開心，心入面多少都有啲唔舒服，廖麗麗份人好親切，大家幾好傾，有傾有講，大家喺工作上有來往，佢份人非常好。」
孫仔掛嘴邊
除咗廖麗麗，60年代邵氏女星秦萍亦喺上周離逝，跟秦萍同廖麗麗份屬好友嘅馬海倫，噚日喺微博好感觸咁話：「一時之間秦萍同廖麗麗兩位朋友走咗，非常難過，但走都係解決。小萍性格內向，時時見面佢游水我做gym，兒子結婚佢非常開心，很早通知，一定要到呀，卲氏一圍，廖麗麗就係《愛．回家》做海味店員工負責煮飯，佢係佛教徒，我同佢都有齋期，佢心愛個女同外孫，每次見面都畀我睇孫仔相，講到非常開心，兩位嘅一切只有回憶！」
撰文：馮仁昭
回應 (0)
