中環在線：唐唐、任總原來係「九月之星」

【蘋果日報】特首林鄭月娥密鑼緊鼓，籌備10月份施政報告出台，不過無官一身輕嘅前政務司司長唐英年，就逍遙自在。啱啱過咗去嘅星期三（9月6日），就係佢65歲生日，即係可以成為認購政府銀色債券（滿65歲）嘅老友記一族。
華華側聞，一向鍾意嘆紅酒同旅遊嘅唐唐，正與太座郭妤淺同一班朋友外遊，依佢過往嘅旅遊習慣，夏天多數會去天氣宜人嘅歐洲散心，估計今次佢都好大機會喺歐洲慶生嘞。
至於唐唐老友兼行會成員任志剛，亦喺周末（9月9日）牛一，不過聽講任總就選擇留港過生日。唔講真係無留意，唐唐與任總原來都係本月生日嘅「九月之星」。
李華華
LiWaWa@AppleDaily.com