練肌肉支撐身體

【蘋果日報】惠英紅去年以56歲高齡接拍電影《Mrs K》，並且全部所有動作場面親身上陣，她憶述自己當時不敢怠慢，畢竟身體機能隨年齡下滑是不可改變，要花更多時間去練習和準備：「開拍前三個月已經要練到成身肌肉，因為筋骨唔得，所以要靠肌肉去支撐身體，而且戲內好多場要着背心冇得墊Pad，所以打嘅時候每下都係硬食。」


紅姐的確在電影中搏到盡，尤其和大馬影帝Faizal Hussein打鬥追逐：「嗰場追逐戲諗起就慘不忍睹，你睇到我成面濕晒唔係噴水，真係汗嚟㗎，當時大馬夏天成38度喺條天橋度跑，佢係當地人都中暑嘔咗兩次，另外個攝影師都喺拍嘅時候受傷，兩個都話拍完今次以後唔拍動作片，同我一齊退休啦。」