周：我喺實驗室冇官方角色

【蘋果日報】控方指涉案APSC實驗室是三名事主感染細菌的源頭，創立APSC的周向榮昨辯稱「2012年嘅時候我喺APSC係冇official（官方）嘅角色㗎」。周稱他沒有控制APSC的日常運作，「我冇咁嘅能力或知識去控制嗰啲，SOP（標準作業程序）嗰啲」。他稱除了以長輩身份處理重大人事糾紛外，基本上不干預APSC運作，但畢竟投資巨額，故每月會巡視一兩次。 2001年停止行醫 周稱於2011年底將APSC董事職責轉交給DR經理周綺華及總經理朱美沁，朱每日聽取工作滙報，周負責檢查實驗室報告和紀錄。他自己則無正式角色，因DR正辦理上市，保薦人不想他在APSC有重要角色。本身是醫生的周稱自1994年做生意開始減少行醫，至2001年停止，而DR自該年起聘請醫生施行療程。鑑於多年來流行的藥物已截然不同，而且他未試過幫客人做美容療程，故他不會干預公司醫生。 他指作為醫生最看重安全，DR對所有用於人身上的產品都會做細菌測試，「一個產品成功與否最緊要唔好有任何投訴，同埋唔好做傷人」，DR以往從未有細菌感染引起的嚴重事故。周指控方將十多份DR內部通告呈堂，起碼有兩份寫明「唔好做傷客人」，「大家可以推算一年365日有幾多通告，不斷remind（提醒）啲員工唔好做傷客」。他自己亦會過目公司通告，有時會更改字眼。 ■記者勞東來