婆婆：執幾個鐘紙皮先16蚊

【蘋果日報】廢紙價賤，每公斤只值5毫，最受累是一眾執拾紙皮的公公婆婆。86歲的黃伯昨日在深水埗執紙皮，賣了兩次紙皮只賺到8元，「拉個紙皮箱，執到多少賣多少，冇乜規定，買個麵包咁囉！」對於下周一回收商停收廢紙，黃伯表示年紀大無人聘請，仍有生果金支撐生活，更自嘲現時生活是「飽唔死，餓唔親咁囉」。


記者昨走訪深水埗，有婆婆抱怨執紙皮的收入大減，「咁大車先16蚊，執幾個鐘㗎」。有婆婆拖了一叠紙皮回收，只換來2.5元，惟有搖頭苦笑離開。


有婆婆問有否飯票提供

80歲石婆婆執了一大車紙皮，連同逾百個鋁罐只賣約70元，她氣憤稱賣廢紙收入太少，下周一亦會停止執拾廢紙，「唔執囉，有乜用，（執）個幾月先賣到咁多錢」。


有婆婆表示每日執紙皮幸運可賺十元八塊，試過最差只有兩元。對於下周一回收商停收紙皮，大部份人均感無奈，有婆婆更問記者有沒有飯票提供。


深水埗「明哥」陳灼明表示，派飯活動會持續，暫時未見長者因紙皮收入驟減受影響。不過，近日有義工見婆婆在垃圾桶執食物和紙皮，義工連忙遞上飯票予婆婆。


■記者潘柏林