張秀賢質疑中大受政治壓力

【蘋果日報】中大本周一起出現多幅港獨標語，大部份被校方拆除，由學生會管理的文化廣場尚餘一幅港獨橫額。學生會前日起派人通宵留守。中大校方昨晚重申，《基本法》訂明香港是中國不可分離部份，絕不贊成港獨；校方尊重言論自由，但有責任清除未經申請之物品，冀與學生會妥善處理。


中大學生會昨午在橫額下舉行「堅拒中大政治審查，捍衛學子言論自由」論壇，中大學生會前會長張秀賢（圖）質疑，校方因政治壓力才會向學生會發信，以「白紙黑字」要求拆除橫額，促校方收回決定。中大學生會會長區子灝指，若橫額被強拆將向校方高層表訴求，但盡量避免肢體衝突，「我哋係好堅定，唔會容許校方強行清拆相關嘅宣傳品」。他促校方解釋將來是否容許政治敏感宣傳品出現，「定係校方都要千方百計，即係侵犯學生會嘅權利、或者侵犯學生嘅權利都好，都要禁止呢啲言論嘅發表呢？」


教師協會：睇唔到違法行為

中大教師協會會長陳竟明則稱，對於校方指懸掛「香港獨立」橫額是違法行為感疑惑，「我哋睇唔到有啲咩違法行為，第二點就係呢個場合（文化廣場）係學生會管理，睇唔到（校方）咩原因、能力去清除橫額」。他強調，無論校方是否支持港獨言論，都應保衞學生言論自由，「用伏爾泰嘅名句，你唔同意佢嘅觀點，但都會保衞佢言論自由嘅權利」。


■記者彭愷欣、周婷