新聞類別
財經
詳情#
【蘋果日報】
葉氏化工（408）經營近半世紀，第二代終於正式現身。噚日葉氏化工管理層同傳媒食飯，創辦人葉志成兒子、太子爺葉鈞（Francis）首次以企業發展總裁身份見人，原來佢近兩個月先調返香港總部，將會睇住公司未來併購或新業務發展。
今次返到總部，聯席行政總裁王旭話，其實係基於舊年成立咗企業發展部，研究公司轉型、未來發展方向，希望有更高層嘅人帶領，於是調咗Francis返嚟，上月初正式上任。
Francis講嘢有紋有路，應對問題不慌不忙。提到嚟緊公司大計，佢重提爸爸心中「百年葉氏」，即係希望葉氏化工可以成為百年品牌，至今經營咗46年，起碼仲有54年。
公司將向兩方面發展：現有業務研究併購機會，如溶劑業務的上游產業；同時考慮拓展新業務，例如與公司的油漆經銷商合作，提供翻新牆面服務，不過就暫未有落實時間表。
現年35歲嘅Francis係倫敦經濟學院經濟及政治學士，畢業後去投行做過3年，2007年開始幫手家族生意做董事助理，過去10年一路喺上海，負責公司塗料業務。管理塗料品牌紫荊花漆嘅日常運作、品牌拓展，離開前係紫荊花塗料集團總裁。佢話返嚟香港最開心係見屋企人多咗，唔使分隔兩地，每月見得一個禮拜咁少，真乖仔。
李華華
李華華
LiWaWa@AppleDaily.com
葉氏化工（408）經營近半世紀，第二代終於正式現身。噚日葉氏化工管理層同傳媒食飯，創辦人葉志成兒子、太子爺葉鈞（Francis）首次以企業發展總裁身份見人，原來佢近兩個月先調返香港總部，將會睇住公司未來併購或新業務發展。
今次返到總部，聯席行政總裁王旭話，其實係基於舊年成立咗企業發展部，研究公司轉型、未來發展方向，希望有更高層嘅人帶領，於是調咗Francis返嚟，上月初正式上任。
Francis講嘢有紋有路，應對問題不慌不忙。提到嚟緊公司大計，佢重提爸爸心中「百年葉氏」，即係希望葉氏化工可以成為百年品牌，至今經營咗46年，起碼仲有54年。
公司將向兩方面發展：現有業務研究併購機會，如溶劑業務的上游產業；同時考慮拓展新業務，例如與公司的油漆經銷商合作，提供翻新牆面服務，不過就暫未有落實時間表。
現年35歲嘅Francis係倫敦經濟學院經濟及政治學士，畢業後去投行做過3年，2007年開始幫手家族生意做董事助理，過去10年一路喺上海，負責公司塗料業務。管理塗料品牌紫荊花漆嘅日常運作、品牌拓展，離開前係紫荊花塗料集團總裁。佢話返嚟香港最開心係見屋企人多咗，唔使分隔兩地，每月見得一個禮拜咁少，真乖仔。
李華華
李華華
LiWaWa@AppleDaily.com
回應 (0)
