新聞類別
財經
詳情#
【蘋果日報】
金管局前總裁任志剛自從做咗林鄭嘅金融支柱，越來越活躍，除咗每個星期四喺blog鋪文，噚日又忽然玩「當年今日」。
佢上星期自爆，同政協副主席兼國開行原董事長陳元（中共元老陳雲長子）老友鬼鬼，事關回歸前，陳元擔任人行副行長，兩人經常聯袂到倫敦、紐約、東京等巡迴路演，就「香港跨越1997的金融安排」，闡釋一國兩制下兩個金融中心運作概念。
任總噚日忽然出個感性post，指「1995年9月5日，也是星期二。對我來說是難忘的一天。」原來當年今日，喺陳元安排下，佢同時任國務院副總理朱鎔基見面食飯，地點係釣魚臺國賓館嘅同樂園，食飯地方叫養源齋。
當時佢哋傾香港印鈔安排，結果係，香港動用外滙基金，買入當時一間英國公司在港擁有嘅印鈔廠，確保香港印鈔權同保留在港印鈔。
相隔22年，任總噚日跟陳元在港再見面。可惜佢冇po新相！只搵來當年舊相一張。唔通留待周四再講？
李華華
李華華
LiWaWa@AppleDaily.com
金管局前總裁任志剛自從做咗林鄭嘅金融支柱，越來越活躍，除咗每個星期四喺blog鋪文，噚日又忽然玩「當年今日」。
佢上星期自爆，同政協副主席兼國開行原董事長陳元（中共元老陳雲長子）老友鬼鬼，事關回歸前，陳元擔任人行副行長，兩人經常聯袂到倫敦、紐約、東京等巡迴路演，就「香港跨越1997的金融安排」，闡釋一國兩制下兩個金融中心運作概念。
任總噚日忽然出個感性post，指「1995年9月5日，也是星期二。對我來說是難忘的一天。」原來當年今日，喺陳元安排下，佢同時任國務院副總理朱鎔基見面食飯，地點係釣魚臺國賓館嘅同樂園，食飯地方叫養源齋。
當時佢哋傾香港印鈔安排，結果係，香港動用外滙基金，買入當時一間英國公司在港擁有嘅印鈔廠，確保香港印鈔權同保留在港印鈔。
相隔22年，任總噚日跟陳元在港再見面。可惜佢冇po新相！只搵來當年舊相一張。唔通留待周四再講？
李華華
李華華
LiWaWa@AppleDaily.com
回應 (0)
