金融科技學院幫人推前入學　3個月MBA畢業多付2萬元有「槍手」代做功課

【蘋果日報】海外課程造假成常態，《蘋果》再發現有中介公司替學生推前入學日期（backdate），以3個月極速取得外國大學工商管理碩士（MBA）學位，客人只需額外繳付2萬元，即可「請槍」代做功課，課程涉及面授部份，未有向教育局註冊；有立法會議員認為海外課程屢被揭造假，惟一直未有人受懲罰，「其實冇後果變相鼓勵（造假）。」


記者：趙雅婷

香港金融科技學院（FTI）主打金融業進修課程，亦提供海外大學學士硂碩士及博士課程。記者上月到該校，佯裝有意報讀工商管理碩士課程，獲院長陳柏基接待，他向記者推介歐洲聖杰文大學（St Clements University），課程原需時一年半，修讀8至10科，毋須考試，完成約10份功課後便可畢業，學費約8萬元，課程以遙距學習為主，每個月須到學院上課，「都係香港嘅教授，同你review番」。


課程無註冊　院長：係補習

記者問陳柏基能否縮短修讀時間，他即反問「學嘢定唔學嘢先？」他續解釋，「有啲真係正式嘅，不過功課唔係你做（以拇指同食指做出手槍的手勢），總之我哋有人幫你」。陳表明，只需額外付款2萬元，即有槍手代完成所有功課，「最快可以11月4號去新加坡上台（畢業典禮）」。記者表示擔心極速畢業會引起僱主懷疑，陳柏基指，會將入學日期推前，「back date返咪得」。


本報就此向教育局查詢，局方回覆指，根據《非本地高等及專業教育（規管）條例》，凡於本港開辦的非本地高等學術課程，除「純遙距學習課程」外，必須向教育局註冊，否則屬違法，一經定罪可罰款25,000元及監禁2年。


根據公司註冊處資料，陳柏基為FTI董事，記者其後表明身份向他查問為何課程沒有註冊，陳表示每月的「review唔係上堂，係一個補習班，係唔同嘅嘢」，因此毋須註冊；記者追問代做功課及推前入學日期疑觸犯刑事罪行，陳表示「我唔會答你呢樣嘢，因為我唔知你講緊咩」。


議員：屢爆造假無人受罰

大律師陸偉雄表示，倘若有機構替學生偽造入學文件，再交予學校以取得畢業證書，已觸犯製造虛假文書罪及串謀詐騙罪，一經定罪可判處監禁14年；持有證書的學生亦有可能觸犯管有虛假文書罪行，一經定罪可判處監禁3年，「即使未用嚟搵工或者讀書，擺喺屋企都係犯法」。


教育界立法會議員葉建源表示，國力書院造假醜聞爆發後，多個機構均被踢爆造假，惟暫未有人受懲罰，「其實冇後果變相鼓勵，對真正有讀書嘅人好唔公平」，擔心影響市民對海外課程的信心。