新聞類別
財經
詳情#
【蘋果日報】
前年離開渣打嘅翁世權（Simon）正式重出江湖！佢加盟一段時間嘅瑞士窩輪商「瑞萬通博」（Vontobel）噚日喺港交所舉行敲鑼儀式，宣佈開張大吉，發行首批10隻新窩輪。為隆重其事，公司搵來幾位瑞士model影相，為沉悶嘅交易大堂生色不少。
翁世權賣花讚花香，指「香港輪證市場絕對有得做」，雖然今年首8個月，輪證成交佔大市只得19%，比舊年全年25%減少6個百份點，「係我入行以來見過最大跌幅。」但翁世權反而認為係好事，輪證市場比以前成熟得多。
佢哋未來12個月，計劃推出過百隻認股證及牛熊證，產品系列仲會擴展至海外股票、商品、外幣同其他結構性產品。
講番呢間瑞萬通博，佢喺瑞士嘅結構性產品市佔26%、德國佔9%；舊年中開始，先後進軍意大利、荷蘭、法國，將歐洲市佔提高到10%，轉眼來到香港，希望佢做出成績，讓香港輪證孖屐更活躍喇。
李華華
李華華
LiWaWa@AppleDaily.com
前年離開渣打嘅翁世權（Simon）正式重出江湖！佢加盟一段時間嘅瑞士窩輪商「瑞萬通博」（Vontobel）噚日喺港交所舉行敲鑼儀式，宣佈開張大吉，發行首批10隻新窩輪。為隆重其事，公司搵來幾位瑞士model影相，為沉悶嘅交易大堂生色不少。
翁世權賣花讚花香，指「香港輪證市場絕對有得做」，雖然今年首8個月，輪證成交佔大市只得19%，比舊年全年25%減少6個百份點，「係我入行以來見過最大跌幅。」但翁世權反而認為係好事，輪證市場比以前成熟得多。
佢哋未來12個月，計劃推出過百隻認股證及牛熊證，產品系列仲會擴展至海外股票、商品、外幣同其他結構性產品。
講番呢間瑞萬通博，佢喺瑞士嘅結構性產品市佔26%、德國佔9%；舊年中開始，先後進軍意大利、荷蘭、法國，將歐洲市佔提高到10%，轉眼來到香港，希望佢做出成績，讓香港輪證孖屐更活躍喇。
李華華
李華華
LiWaWa@AppleDaily.com
回應 (0)
