收市閒情：「朋友」過橋抽板

【蘋果日報】

「追追趕趕，高高低低，深呼吸然後與你執手相隨，甜蜜中不再畏高，可這樣跟你蕩來蕩去，無畏無懼」無畏無懼？Are u serious？

中環海濱「香港摩天輪」，新舊營運商傾唔掂數。呢壇嘢畀香港人最大嘅啟示係：識朋友，最忌識着「投資推廣署」類。


想當年2014年，大家聽話中環開摩天輪，連香港人都潑冷水，當時瑞士營運商Swiss AEX都係預期，一年都係100萬人坐。點知3年過去，夾埋有500萬人去玩，當年Swiss AEX CEO仲力讚投資推廣署幫到手，推廣署當然有將「香港摩天輪」Case貼堂放上官網認威威。


不過，朋友，推廣署真係當你一秒朋友。