羅嘉瑞曾私訪深水埗音樂中心

【蘋果日報】音樂兒童基金的訪問地點、時間設於下午四時許的深水埗富昌邨的富昌商場內，記者在鄰近麥當勞見有不少小朋友流連，拿着樂器等待進入中心，中心內部裝修亦非常簡單，胡龐倩渝指，「基金會捐款全部用於音樂項目上，除了一名職員的薪酬，最大花費多是樂器及導師的車馬費。」


在訪問中途，胡龐倩渝更忍不住指向音樂房四周，「你唔好俾呢到的外觀呃，係假的！你將呢到拆咗佢，我同你而家在鴨寮街咋」，又憶述以往羅嘉瑞曾突擊中心時，「佢第一次嚟我都唔知，有個學生阿媽話有個着西裝嘅人嚟咗，我就話是旦啦，好忙教小朋友」，直至收到電話才知道羅嘉瑞正與小朋友、家長傾偈。


羅嘉瑞在中心逗留超過一個半小時，胡龐倩渝指「佢嚟到仲要冇冷氣，身水身汗，後來我話Dr.Lo你仲喺到？人哋以為你俾人綁架呀！」誰知羅嘉瑞卻反問「你呢到好惡劣呀，但你啲細路仔唔肯走嘅？」身為贊助人代表的羅嘉瑞亦萬料不到音樂兒童基金的反響之大。


胡龐倩渝更笑指，連羅嘉瑞的女兒都陪她們進行家訪，「啲人都唔知佢係Dr.Lo個女，只知佢係一個姐姐」，所以「你話佢（羅嘉瑞）有冇參與？佢精神參與好大囉！佢個心如果唔係相信音樂，大家傾唔埋」。


目前，音樂兒童基金的會址並非自購，而是靠其他組織資助，像深水埗的會址就由領展贊助，「我哋冇做任何裝修，但起碼我哋有個shelter、有個遮蔭的地方」。