新聞類別
財經
詳情#
【蘋果日報】
新世界發展（017）私有化新百貨（825）失敗，「老友」遠東發展（035）自不然都有關心吓，話晒兩間公司嘅老闆鄭家純、邱達昌拍住上一齊收購有線（1097），又夥周大福喺澳洲發展項目，遠展作為過來人都分享吓經驗。
遠東發展董事總經理孔祥達噚日同傳媒食飯，席間有記者問佢點睇老友近期私有化失效，佢都呻一呻，話本港上市公司私有化確實「好難好難」。
事關私有化要闖兩關：獲90%小股東接受、「數人頭」過半數，之但係要說服小股東聽你支笛都唔係話咁易。佢話，有啲小股東揸一手，可能覺得每年去一次股東會，比收取要約溢價更有價值！
遠東發展兩年前成功私有化帝盛酒店，孔祥達話，當時要約提出現金加遠展代價股份，估計係後者令小股東覺得吸引，先獲通過。
其實，新世界之前私有化新世界中國，都要兩次先過到，唔知今次係咪都要take two。
李華華
李華華
LiWaWa@AppleDaily.com
新世界發展（017）私有化新百貨（825）失敗，「老友」遠東發展（035）自不然都有關心吓，話晒兩間公司嘅老闆鄭家純、邱達昌拍住上一齊收購有線（1097），又夥周大福喺澳洲發展項目，遠展作為過來人都分享吓經驗。
遠東發展董事總經理孔祥達噚日同傳媒食飯，席間有記者問佢點睇老友近期私有化失效，佢都呻一呻，話本港上市公司私有化確實「好難好難」。
事關私有化要闖兩關：獲90%小股東接受、「數人頭」過半數，之但係要說服小股東聽你支笛都唔係話咁易。佢話，有啲小股東揸一手，可能覺得每年去一次股東會，比收取要約溢價更有價值！
遠東發展兩年前成功私有化帝盛酒店，孔祥達話，當時要約提出現金加遠展代價股份，估計係後者令小股東覺得吸引，先獲通過。
其實，新世界之前私有化新世界中國，都要兩次先過到，唔知今次係咪都要take two。
李華華
李華華
LiWaWa@AppleDaily.com
回應 (0)
