新聞類別
財經
詳情#
【蘋果日報】
民生書院係九龍區傳統名校，校友都有一番成就，好似「魔童」香港電視（1137）主席王維基，亦係民生書院畢業生。上星期五，民生書院500名校友為退休校長陳伯民慶祝「百齡華誕」設宴，王維基、資深傳媒人查小欣、前立法會議員李卓仁都有到場。
陳校長寄語學生同畢業生，做事最緊要持之以恒，職業亦無分貴賤。「最緊要你嘅工作，無論係乜，你係掃地都好，你係為住整個社會嚟做。無所謂貴賤，每個人出嚟，為呢個社會有貢獻就夠。」
細細個開始讀私墊的陳伯民1935年畢業於民生書院，50年代初返校擔任校長，服務民生書院近30年。陳校長精神奕奕，雖然不良於行，幾乎全程坐喺輪椅上，但佢話自己久唔久都會伸下隻腳，郁動下。「每個人都知點樣長壽，最緊要，你知道（係）一件事、你做唔做（係）一件事，能夠持久就係另一件事。」
講到持久，唔講唔知，民生書院雖然佔地約1.7萬平方米，包括幼稚園、小學、中學，但原來三間學校要共用禮堂，校方多年來爭取擴建，加建一個禮堂，至今仍未落實，成為陳校長最牽掛嘅一件事。
李華華
LiWaWa@AppleDaily.com
民生書院係九龍區傳統名校，校友都有一番成就，好似「魔童」香港電視（1137）主席王維基，亦係民生書院畢業生。上星期五，民生書院500名校友為退休校長陳伯民慶祝「百齡華誕」設宴，王維基、資深傳媒人查小欣、前立法會議員李卓仁都有到場。
陳校長寄語學生同畢業生，做事最緊要持之以恒，職業亦無分貴賤。「最緊要你嘅工作，無論係乜，你係掃地都好，你係為住整個社會嚟做。無所謂貴賤，每個人出嚟，為呢個社會有貢獻就夠。」
細細個開始讀私墊的陳伯民1935年畢業於民生書院，50年代初返校擔任校長，服務民生書院近30年。陳校長精神奕奕，雖然不良於行，幾乎全程坐喺輪椅上，但佢話自己久唔久都會伸下隻腳，郁動下。「每個人都知點樣長壽，最緊要，你知道（係）一件事、你做唔做（係）一件事，能夠持久就係另一件事。」
講到持久，唔講唔知，民生書院雖然佔地約1.7萬平方米，包括幼稚園、小學、中學，但原來三間學校要共用禮堂，校方多年來爭取擴建，加建一個禮堂，至今仍未落實，成為陳校長最牽掛嘅一件事。
李華華
LiWaWa@AppleDaily.com
回應 (0)
