新聞類別
港聞
詳情#
【蘋果日報】14歲由越南偷渡來港卻遇風浪觸礁，流落海南島；輾轉來港，79年啟德難民營大暴動，死裡逃生。梁立安是加拿大首批接收的香港越南難民。「邊個會諗到，喺南中國海飄流同暴動都死唔去，到最自由的國家先睇唔到嘢，失去自由？」別港38年，因為一杯港式奶茶，讓他重回香港。人生翻了幾翻，難民營早已清拆；一雙眼睛，也再看不見美麗維港。「世界仍然好靚，多得太太做咗我嘅眼睛」。由孓然一身到夫唱婦隨，只要共行，他說人生再多磨難，仍感溫暖。
記者呂麗嬋
「睇唔到嘢點樣沖奶茶呀？」「啲茶咁滾會唔會好危險？」一杯香醇幼滑的港式奶茶，有人說是港式茶餐廳的靈魂。週六舉行的國際金茶王大賽，更是英雄地。只是，今屆賽事卻有一位參賽者，令台下觀眾議論紛紛，他是失明牧師梁立安。這個「盲俠」是北美區的冠軍級人馬，獲邀到港一星期獻技交流。「睇唔到係輸蝕啲，比如茶色唔對路都好難執生；港式奶茶又有所謂撞茶，水咁滾，睇唔到亦比較危險」。
但是否真的做不來，那又不是。為了參加比賽，他花了3個月時間鑽研新方法。傳統撞茶，利用動力把茶的餘韻撞出來，並把空氣帶進茶裡，令紅茶口感更滑。他就改用木匙上下左右郁動，配合搖動茶壺動作。「要不斷咁試，時間長短、搖嘅速度唔同，都會影響味道」。行出第一步，原來沒想像的難。「喺熟悉嘅地方，一個人可以勝任，但比賽場地陌生，放器具的位置不同，就要大會特准，借助太太的一雙眼，從旁協助調校材料份量」。
由多倫多到香港，太太一直是他的御用盲公竹。「要多謝佢同我一齊返香港，陪我上台」。倆口子相視甜笑。本身做幼兒教育工作的太太Maria，是早年移民加拿大的香港人，因為做義工，與梁立安相遇相知結為夫妻。戀愛大過天，但要嫁一個失明丈夫，家人接受嗎？「最初係好反對，咪帶多啲佢返去，等屋企人認識佢多啲」。Maria說。過時過節，總不忘問候電話。愚公移山，他花了3年。
沉着應戰，接受自己的限制，卻不因限制成為借口，由戀愛到生活，他從來如是。「後天失明最大嘅障礙，係你會不斷去比較：以前睇到，依家睇唔到喎；以前我養家，依家俾人養.....」接受不了拿着盲公竹遇到親友；不斷檢查、看盡天下的醫生。宣佈了「死刑」，卻接受不了現實。梁立安很明白，因為他正是過來人。視網膜脫落，9個月之間，做了5次手術。「頭3次做完都睇得番嘢，到最後兩次，完全失敗」。時年19，剛以難民身份投奔自由國度，眼前卻只看到漆黑一片。
「嗰時去咗加拿大無幾耐，英文唔好，又睇唔到，名符其實又聾又盲」。有誰想到，在南中國海飄流、在難民營暴動都死不了，以為終於找到幸福生活，偏偏到最自由的國家，卻失去光明？「不能死，就要學點樣生存」。他知道，必需要接受現實，才能重整人生。停學近一年，由零開始學習點字，重返校園。「當你接受咗，就會諗點樣適應新嘅生活」。專心一意，英文愈說愈好，由最初「又聾又盲」，到後來可以和外界溝通，甚至考上大學電腦系，受聘於資訊科技公司，梁立安說來輕描淡寫，卻是一步一腳印。
自己做得到，他深信，其他視障人士也可以。2006年，辭職投入視障復康服務，在多倫多創立樂明視障團，開設結合cafe的職業培訓所，助失明者走出家門，融入社區。「其實參加比賽，都係希望鼓勵更多視障人士走出嚟，人哋笑你又如何？你自己先要唔好介意」。身先士卒報名參加北美茶王比賽，在鎂光燈下，與健視的太太，摸黑以獨創的招式沖茶，由原本「志在參與」到爆冷奪冠。別港38年，因為一杯港式奶茶，讓他重回舊地。「只要肯行出第一步，就有機會」。誰說不是？
記者呂麗嬋
「睇唔到嘢點樣沖奶茶呀？」「啲茶咁滾會唔會好危險？」一杯香醇幼滑的港式奶茶，有人說是港式茶餐廳的靈魂。週六舉行的國際金茶王大賽，更是英雄地。只是，今屆賽事卻有一位參賽者，令台下觀眾議論紛紛，他是失明牧師梁立安。這個「盲俠」是北美區的冠軍級人馬，獲邀到港一星期獻技交流。「睇唔到係輸蝕啲，比如茶色唔對路都好難執生；港式奶茶又有所謂撞茶，水咁滾，睇唔到亦比較危險」。
但是否真的做不來，那又不是。為了參加比賽，他花了3個月時間鑽研新方法。傳統撞茶，利用動力把茶的餘韻撞出來，並把空氣帶進茶裡，令紅茶口感更滑。他就改用木匙上下左右郁動，配合搖動茶壺動作。「要不斷咁試，時間長短、搖嘅速度唔同，都會影響味道」。行出第一步，原來沒想像的難。「喺熟悉嘅地方，一個人可以勝任，但比賽場地陌生，放器具的位置不同，就要大會特准，借助太太的一雙眼，從旁協助調校材料份量」。
由多倫多到香港，太太一直是他的御用盲公竹。「要多謝佢同我一齊返香港，陪我上台」。倆口子相視甜笑。本身做幼兒教育工作的太太Maria，是早年移民加拿大的香港人，因為做義工，與梁立安相遇相知結為夫妻。戀愛大過天，但要嫁一個失明丈夫，家人接受嗎？「最初係好反對，咪帶多啲佢返去，等屋企人認識佢多啲」。Maria說。過時過節，總不忘問候電話。愚公移山，他花了3年。
沉着應戰，接受自己的限制，卻不因限制成為借口，由戀愛到生活，他從來如是。「後天失明最大嘅障礙，係你會不斷去比較：以前睇到，依家睇唔到喎；以前我養家，依家俾人養.....」接受不了拿着盲公竹遇到親友；不斷檢查、看盡天下的醫生。宣佈了「死刑」，卻接受不了現實。梁立安很明白，因為他正是過來人。視網膜脫落，9個月之間，做了5次手術。「頭3次做完都睇得番嘢，到最後兩次，完全失敗」。時年19，剛以難民身份投奔自由國度，眼前卻只看到漆黑一片。
「嗰時去咗加拿大無幾耐，英文唔好，又睇唔到，名符其實又聾又盲」。有誰想到，在南中國海飄流、在難民營暴動都死不了，以為終於找到幸福生活，偏偏到最自由的國家，卻失去光明？「不能死，就要學點樣生存」。他知道，必需要接受現實，才能重整人生。停學近一年，由零開始學習點字，重返校園。「當你接受咗，就會諗點樣適應新嘅生活」。專心一意，英文愈說愈好，由最初「又聾又盲」，到後來可以和外界溝通，甚至考上大學電腦系，受聘於資訊科技公司，梁立安說來輕描淡寫，卻是一步一腳印。
自己做得到，他深信，其他視障人士也可以。2006年，辭職投入視障復康服務，在多倫多創立樂明視障團，開設結合cafe的職業培訓所，助失明者走出家門，融入社區。「其實參加比賽，都係希望鼓勵更多視障人士走出嚟，人哋笑你又如何？你自己先要唔好介意」。身先士卒報名參加北美茶王比賽，在鎂光燈下，與健視的太太，摸黑以獨創的招式沖茶，由原本「志在參與」到爆冷奪冠。別港38年，因為一杯港式奶茶，讓他重回舊地。「只要肯行出第一步，就有機會」。誰說不是？
回應 (0)
