【仙遊首爾(10)】本月旅行推介！踩電動單車睇紅葉

【蘋果日報】踏入9月，機票平返啲，又係睇紅葉季節，係時候出走充充電！最後一集《仙遊首爾》搵嚟喺韓國住嘅香港人阿男，帶大家去踩電動單車！ 去年冬天訪問過阿男，講佢喺韓國開公司Heha Seoul教滑雪嘅情況，今次夏天嚟搵佢，都話要做運動！阿男話香港人多車多，唔踩得電動單車，但係喺韓國郊區就有得試：「係半自動單車，自己踩又得，撳個制加速都得！」所以，想輕鬆啲減0kg，定挑戰自己踩多啲，就視乎你嘅決定！ 阿男喺韓國住咗十幾年，好似變咗半個運動員，冬天滑雪，夏天踩車，仲話加入咗一個韓國單車隊，成為選手，參加比賽：「試過踩120公里嘅比賽，要踩五個山，上升高度係3500米！」 為比賽，亦為興趣，阿男好勤力練車：「一個禮拜踩3至4次，加埋大概踩200至300公里，我諗距離相等於喺香港踩去廣州。」阿男仲試過一日踩8粒鐘，踩咗241公里，不過咪以為佢喺韓國唔使做好得閒喎：「我哋係放咗工，夜晚8點半先去踩。」阿男話o依家鍾意到，唔踩幾日都腳痕。 如果你都有興趣去韓國踩單車，都可以搵阿男帶吓路：「江邊嘅單車徑最好踩，夠平。」阿男又建議4至5月或者9至10月去踩，可以睇到櫻花或紅葉，亦都係韓國人去單車旅行嘅高峰期。不過踩電動單車就要去遠啲，因為近首爾嘅單車徑都比較多人，踩電動單車會危險啲。 一連十集嘅《仙遊首爾》告一段落，呢度有得重溫：http://hk.apple.nextmedia.com/enews/animation/kfans/ Heha Seoul히하서울여행사 https://www.facebook.com/hehaseoul/?fref=ts 記者：阿仙 攝影：峰、Neo 編審：Kaman 【仙遊首爾(1)】長板女神教Seflie衣櫃收埋幾條短褲仔？ http://bit.ly/2weAyiu 【仙遊首爾(2)】港男變Oppa打排球甘心受體罰門禁 http://bit.ly/2wiq0Pc 【仙遊首爾(3)上回】紐約男孩玩K-Pop食泡菜講「阿唷哈些唷」 http://bit.ly/2xaABth 【仙遊首爾(3)下回】韓國男團無韓國人學撒嬌為做實驗？ http://bit.ly/2xb2S2Q 【仙遊首爾(4)】90後梨大賣港式美食靚韓妹為你整紅豆冰 http://bit.ly/2wp2Tmh 【仙遊首爾(5)】追星新聖地？港人行首爾路7017好驚嚇 http://bit.ly/2xh7HYr 【仙遊首爾(6)】巴打腹肌有得整？韓國整容生意跌7成 http://bit.ly/2wAUUm5 【仙遊首爾(7)】兩難！韓孩冇功課又快樂港孩壓力大但醒目 http://bit.ly/2wDRrDf 【仙遊首爾(8)上回】針灸把脈唔同啲居韓港人睇韓醫 http://bit.ly/2xwm6A3 【仙遊首爾(8)下回】韓醫係TOP5職業前途媲美西醫 http://bit.ly/2xvJoGn 【仙遊首爾(9)】港女赴韓讀MBA成日幫港人代購呢樣嘢... http://bit.ly/2vtZNO2