TVB主播陳嘉倩開學網民：我係妳同學就無心機上堂

【蘋果日報】TVB美女主播陳嘉倩由於樣貌甜美，被網民叫佢「嘉倩BB」，平時喺公仔箱見佢報道新聞，估唔到有機會同佢做同學!

嘉倩BB昨日在Ig貼出浸大學生證，留言：「各位同學仔加油！今日我都要開學。」打hashtag「學生時代我又返嚟啦」、「還未懂世故的那一年」，嘉倩BB於2012年中大英文系畢業，2013年入nowTV新聞部做主播，2014年過檔TVB新聞及資訊部做無綫新聞主播，一直宅男愛戴。


唔少網民估佢係讀master，再睇佢張學生證要讀兩年先畢業，而且後面有啲關於傳理學院嘅資料，有網民讚佢可愛、又有網民叫佢加油，另有網民口花花留言「我係妳啲同學，就一定無心機上堂」、「張學生相咁瘦嘅」。