已讀不回符號L樣樣齊直擊Whatsapp柒種人

【蘋果日報】相信大家每日都會用WhatsApp，無錯佢的確提高咗我哋日常溝通嘅便利性，但同時亦反映咗唔同人喺使用上嘅分別，就等我哋睇睇片，直擊WhatsApp group入面最常遇到嘅七種人：

1.全能搞手型

－負責約人、定時間、諗餐廳、訂座，身兼秘書、管理、保母多職，成個group靠佢撐住。


2.語言障礙型

－無辦法講出完整字句，話語字詞斷斷續續，講完又要不斷補充，常以極短錄音連環發射，造成滋擾效果。


3.無限typing型

－對文字表達的要求極高，就算只是簡單的回覆，都用考DSE寫作卷的態度應對，信息內容不斷修改，所以永遠send唔到出去。


4.自我出賣型

－長期眼大睇過龍，唔望清楚同緊邊個對話，手快快就將私人嘢send入group，仲要通常都係呢頭講完大話，嗰頭就自我踢爆。


5.笑料分享型

－擁有一顆熱愛分享嘅心，無論大事小事，只要畀佢見到都會立即CAP低，同廣大網民開心share。


6.文盲符號型

－表面上係一個抽象派emoji行為藝術家，習慣用表情符號代替文字，逼人揣測佢充滿情感的內心，實際上係疑似文盲。


7.已讀不回潛水型

－每個group都有嘅神秘份子，永遠唔會覆，仲有可能連睇都唔睇，唔知點解仲留喺個group到。