張建宗歡送航母 「早上好」變「走上好」

【明報專訊】立法會前主席曾鈺成噚日上載片段，指特首林鄭月娥於剛過去嘅就職典禮中，一開口就以普通話講錯尊敬個「尊」字，但佢話林太嘅普通話都比政務司長張建宗好；咁啱Emily噚日聽到張建宗喺遼寧號離港歡送儀式上講普通話，將「早上好」讀成「走上好」，又將「遼寧號」嘅廣東話讀歪，就當自己講緊普通話咁。


「大家走上好」，係張建宗噚日喺遼寧號離港歡送儀式上同士兵打招呼所講嘅一句說話，唔知有幾多士兵聽得明呢？

除咗呢句之外，有啲內容如果無人放字幕嘅話，Emily都唔係幾聽得明，其中「現代化」、「遼寧號」、「四千多名」等都讀錯。當林太以普通話將尊敬嘅「尊」，讀成「專」，被曾鈺成糾正，唔知曾鈺成又會唔會幫幫忙，糾正一下張建宗嘅普通話讀音呢？