海運大廈設維港觀景台

【明報專訊】海港城海運大廈伸延大樓嘅擴建工程即將完工，商場發言人話大樓仲有個270度維港觀景台，免費畀市民欣賞維港美景，仲話觀景台會成為本港新地標(口添)。
發言人話，位於海運大廈末端、樓高5層三面環海嘅伸延大樓，由知名建築師事務所Foster + Partners設計，設計團隊利用新大樓喺維港中心嘅優勢，將之營造成香港新景點「270度維港觀景台」。商場內會有11家海景餐廳、全新郵輪碼頭出入境大堂，預計今年內陸續開業同投入服務。新大樓每層都有觀景台，免費開放，而觀景台臨海向西，仲係欣賞香港日落同夜景嘅最佳位置。