評林鄭4教育措施 陳美齡：我本書都有提

【明報專訊】早前曾經傳出可能係教育局長人選嘅前歌手陳美齡，噚日以浸會大學傳理學院客席教授身分出席港台《城市論壇》（圖），討論特首林鄭月娥早前提出撥款50億元做好教育嘅建議。陳美齡提到，林太上台後推出嘅4項教育措施，喺早前畀佢嘅書入面都有提到，仲講明如果本書剩低嘅36個措施都做埋，自己就「冇白做」咁話。


陳美齡又話，政府雖然公布咗讀自資學士嘅學生有每年3萬蚊嘅資助，但細節唔清晰，「係咪所有水平嘅學生都有份？啲錢係為院校定學生？」仲話有啲家庭可能唔需要，但有啲又可能要6萬、9萬，嫌林太諗得唔夠仔細咁話。


之後佢就重提番自己本書嘅建議，包括中學改用學分制，畢業時就只用「及格孆ㄓ峸獢v兩級嚟評分；而DSE就改做大學入學試，唔使個個必考，想升大學嘅學生先去考，陳美齡話，咁就可以減輕學生面對嘅壓力。Emily噚日聽時就諗起，副教育局長人選既然未有公布，傳聞中嘅教聯會副主席蔡若蓮又咁有爭議，唔知陳美齡又有無興趣做副手，推動自己心目中嘅教育改革呢？