聲演露宿者 田少為慳$1.4講價

【明報專訊】眾所周知自由黨榮譽主席田北俊係有錢人，因咩事搞到生意失敗成為露宿者？大家唔好誤會，其實Emily只係講緊田大少最近幫香港電台錄製廣播劇時聲演嘅角色啫。


港台今個星期三晚就會播出廣播劇《廿年》單元故事「回流」，故事講述由民政事務局前常任秘書長、有「眾人媽打」之稱嘅李麗娟聲演張太，喺美國回流返港，去深水埗搵失去聯絡、傳聞已變咗露宿者嘅細佬（即係田少），喺劇入面，田少買麵包時為咗慳番1.4元，要同賣包嘅店員講價，田少更喺劇中開金口唱《浪子心聲》。媽打話佢自己本身係「阿嬋」，對角色有親切感、容易入戲，至於要做田少家姐，媽打就話對方樂意做呢個角色佢好開心，雖然田少畀人印象不食人間煙火，但佢就認為田少心地好好。